15 туомнаах саха тылын быһаарыылаах улахан тылдьытын Алматы куоракка Казахстан Национальнай бибилэтиэкэтигэр сүрэхтээтилэр.
Үөрүүлээх лиэнтэни тылдьыт ааптара уонна бу сүҥкэн үлэни саҕалааччы академик, тыл билимин дуоктара, бэрэпиэссэр Петр Слепцов, бырайыак салайааччыта, тыл билимин кандидата Владимир Монастырев уонна Кахастантан кэллиэгэлэрэ, Тыл Институтун үлэһиттэрэ уонна Казахстан Национальнай бибилэтиэкэтин үлэһиттэрэ быстылар.
“15 туомнаах, 92 300 тылтан турар уонна 57 856 тыл холбоһугуттан турар Казах тылын быһаарыылаах тылдьытын кэннэ, саха тылын улахан быһаарыылаах тылдьыта – түүр тылларыгар иккис улахан фундаментальнай тылдьытынан буолар”, - диэтэ тыл билимин дуоктара, бэрэпиэссэр, Байтурсынов аатынан Тыл Институтун дириэктэрэ Жунисбек Алимхан.
