Сэтинньи 4-гэр – Норуот сомоҕолоһуутун күнүгэр Суорун Омоллоон аатынан опера уонна балет тыйаатырыгар, сыл аайы ыытыллар “Кыым” хаһыат “Саныаҕыҥ, доҕоттор, ааспыты” диэн кэнсиэрэ үрдүк таһымнаахтык ааста.
Быйылгы кэнсиэргэ 10-ча сыл устата "Кыым" хаһыат ааҕааччылара эппит баҕа санаалара барыта учуоттанан, икки кэнсиэр тобус-толору көрөөччүүлээх ааста. Ааспыт үйэ 70-80-с сылларыгар ылламмыт саамай чулуу ырыалары Аркадий Алексеев, Степан Васильев, Александр, Бурнашов, Анатолий Бурнашев, Анастасия Готовцева, Василий Еремеев, Иннокентий Оҕочооноп, Сардаана Трофимова, Күннэй уо.д.а. толордулар. Ону таһынан, Дьокуускайдааҕы култуура уонна ускуустуба кэллиэһин уонна Арктикатааҕы култуура уонна ускуустуба институтун устудьуоннара ыллаан-туойан, үҥкүүлээн дьоро киэһэни тупсардылар. Кэнсиэргэ кэлбит хас биирдии көрөөччү илии тутуурдаах, өттүк харалаах төнүннүлэр. Ол курдук, Нөмүгүтээҕи килиэби астыыр собуоттан минньигэс бэчиэнньэ туттулар. Онон, быйылгы тэрээһин урукку сылларга буолбут кэнсиэрдэртэн быдан ордук буолла.
yakutia24.ru/ хаартыскалара