Ахсынньы 5 күнүттэн дойдубут тэбэр сүрэҕэр Москуба куоракка, саха киинэтин марафона саҕаланна. Тэрээһин үөрүүлээх арыллыытыгар СӨ култуура уонна духуобунай сайдыы миниистирэ Юрий Куприянов ыалдьыттаата. Москубаҕа олорор биир дойдулаахтарбыт бастакынан “Мин үрдүбэр күн хаһан да киирбэт” киинэни көрдүлэр.
Ол курдук, ахсынньы 5-8 күннэригэр “Домжур” киинэ тыйаатырыгар саха киинэлэрин көрдөрүөхтэрэ. Москубаҕа маннык түөрт күннээх марафон бастакытын ыытыллар. Бары киинэлэргэ киириитэ босхо, domjour.ru саайтка киирэн регистрацияланан баран олорор мэстэни талыахха наада. Бу туһунан СИА-ҕа култуура министиэристибэтин пресс-сулууспата иһитиннэрбит.
