Тохсунньу 30 күнүгэр Томпо оройуонун Хаандыга бөһүөлэгэр, олохтоох бибилэтиэкэ саҥа дьиэтин үөрүүлээх арыллыыта буолуоҕа. Бу туһунан култуура министиэристибэтин пресс-сулууспата иһитиннэрэр.
Икки мэндиэмэннээх, таас дьиэ ааспыт сылга тутуллубут. Өрөспүүбүлүкэтээҕи култуураны сайыннарыыга туһуламмыт бырагыраамма чэрчитинэн 129 мөл 900 тыһ солк үп көрүллүбүт. Эбийиэк уопсай иэнэ — 1700 кв.м. Манна 25 миэстэлээх интэриниэт-киин, абонемент, ааҕар саала, ону таһынан, оҕолорго аналлаах бибилэтиэкэ, 60 миэстэлээх аактабай уонна быыстапка саалата баар буолуоҕа.
Бибилэтиэкэ үлэһиттэрэ кэпсииллэринэн, инникитин өрөспүүбүлүкэ иккис бэрэсидьиэнэ Вячеслав Штыров архыып-бибилэтиэкэтин арыйар былааннаахтар. Ону таһынан олохтоох ЗАГСа үлэлиэҕэ.
