Бүгүн, олунньу 7 күнүгэр, Орто Халыма куоратыгар Оҕо ускуустубатын киинэ арылынна диэн СӨ Култуураҕа уонна духуобунай сайдыыга министиэристибэтэ иһитиннэрэр.
Бу иннинэ киин хаарбах туруктаах дьиэҕэ симиллэн үлэлии турбута. Саҥа дьиэни “Мин Сахам сирэ 21-с үйэҕэ” бырагыраама иитинэн тутан киллэрдилэр. Тутуу 74 мөл.солк. Былырыын саҥа кииҥҥэ “Култуура” национальнай бырайыак иитинэн икки пианиноны уонна рояль, 12 байааны уонна 4,2 мөл.солк. тэхэньиичэскэй тэрили биэрбиттэрэ. Күн бүгүн оскуолаҕа 190оҕо дьарыктанар, кинилэр хореографияҕа, фортепианоҕа,байааҥҥа, уруһуйга уонна прикладной ускуустубаҕа үөрэнэллэр. Дьарыктары таһымнаах педагогтар ыыталлар.
