Бүгүн, олунньу 10 күнүгэр, Национальнай бибилэтиэкэ Историческэй саалатыгар аан дойду таһымнаах этнограф-учуонай Улла Йохансен тус кэллиэксийэтин бэлэхтээбитин сүрэхтээтилэр.
Былырыын Национальнай бибилэтиэкэ этнолог-учуонай, этнография дуоктара, Кель этногоия институтун бочуоттаах дириэктэрэ, “Орнаментальное искусство” монография ааптара Улла Йохансан кэллиэксийэтин бэлэх туппута. Бүгүн ол кэллиэксийэни быыстапкалаатылар.
Сүрэхтэниини Саха АССР үтүөлээх артыыһа, РФ Култууратын үтүөлээх үлэһитэ, Саха сирин норуоттарын муускатын уонна фольклорун түмэлин төрүттээччи, Улла Павловна кэллиэксийэтин бэрдэриигэ сүүрбүт-көппүт Аиза Решетникова үбүлүөйүн баттаһа буолла.
Ула Павловна кэллиэксийэтигэр сахалыы, нууччалыы, омук тылларынан уопсайа 4 тыһ. тахса докумуон баар. Бу быыстапка Национальнайбибилэтиэкэ кинигэ пааматынньыктарын түмэлигэр, Ленин бэр. 40 (иккис этээскэ) олунньу 23 күнүгэр дылы көрдөрүүгэ туруоҕа. Киириитэ босхо.
