Киир

Киир

Олунньу 16 күнүгэр Саха сириттэн суос соҕотох Нюрнбергскай процесска кыттыбыт Аҕа Дойду Улуу сэриитин кыттыылааҕа Василий Иванов мундирын Емельян Ярославскай аатынан кыраайы үөрэтэр түмэлгэ бэтэрээн сыдьааннара бэлэх быһыытынан ууннулар.

Бу байыаннай таҥаһы 1946 сыллаахха алтынньы 1 күнүгэр буолбут Нюрнбергскай процесс бочуотунай караулугар анаан-минээн тикпиттэр.

mundir1

Сэрии кэнниттэн Василий Давыдович мундирын төрөөбүт дойдутугар – Бүлүү улууһун Сыдыбыл түмэлигэр туттарбыттар эбит. Билигин Василий Давыдович мундирын, мэтээллэрин куоппуйатын сөргүтэн, Емельян Ярославскай аатынан Дьокуускайдааҕы судаарыстыбаннай холбоһуктаах Хотугу норуоттар устуоруйаларын уонна култуураларын түмэлигэр тиксэрэр соруктаахтар. Маны таһынан, мундир куоппуйатын быйыл сайын тахсыахтаах Василий Иванов ахтыыларын кинигэтигэр, итиэннэ "Я - вернусь" диэн улахан арт-бырайыакка туһаныахтара. Бу бырайыак чэрчитинэн моноиспиктээх туруоруохтаахтар.

mundir2

Василий Иванов – сахалартан соҕотох Нюрнбергскай процесс Постадмскай кэмпириэнсийэтигэр кыттыбыт киһи. Кини фроҥҥа бэйэтэ тылланан барбыта. Сталининград кыргыһыытыгар сэриилэспитэ. Онно бааһыран баран, Соҕуруулуу-Арҕааҥҥы фроҥҥа 127-с пограничнай сэриигэ отделение хамандьыырынан сулууспалаабыта. Тоҕус бойобуой наҕараадалаах.

Тарҕат:

Санааҕын суруй