Саҥа “Писатели Якутии” диэн биобиблиографическэй ыйынньык бэчээттэнэн таҕыста. Бу туһунан Ил Дархан уонна бырабыыталыстыба пресс-сулууспата иһитиннэрэр.
Кинигэ 1 тыһ. ахсааннаах тахсыбыт. Ыйынньыгы биллэр библиограф Валентина Павлова өоөспүүбүлүкэ суруйааччыларын Ассоциациятын кытары бииргэ үлэлэһэн бэлэмнээбит. Бу иннинэ маннык ыйынньык 5-тэ тахса сылдьыбыта. Аан бастаан 1963 сыллаахха, оттон бүтэһигин 2000 сыллаахха тахсыбыта. Саҥа ыйынньык уратыта диэн, манна балай да улахан кэм хабыллыбыт: 1851 сыл иккис аҥарыттан 2019 сылга дылы кэм хабыллыбыт. Ыйынньыкка 413 эбээн, эбэҥки, юкагир, саха уонна олохтоох нуучча литэрэтиирэтин суруйааччылара, олоҥхоһуттар, литературоведтар, кириитиктэр, итиэннэ Саха сиригэр уус-уран литэрэтиирэ сайдыытыгар сүҥкэн кылааттарын киллэрсибит дьон туһунан матырыйаал таҥыллан киирбит.
