Идэтийбит асчыт уонна мусукаан, НТВ ханаалыгар “Поем, поедим” биэриитин ыытааччыта Федерико Арнальди уонна кини устар бөлөҕө Дьокуускайга кэлбиттэр.
Кинилэр бэҕэһээ “Сахабулт” маҕаһыыныгар сылдьыбыттар. Маны таһынан, бу күннэргэ Федерико балыктааһыҥҥа сылдьыаҕа. Бүгүн устар бөлөх “Чочур Мыраан” комплекска сылдьан саха куукунатын уонна “Ирбэт тоҥ саарыстыбатыгар сылдьан” устуохтара. Эрэстэрээн асчыттара устар бөлөххө ис миинин астаан көрдөрүөхтээхтэр. Маны таһынан “Махтал” эрэстэрээҥҥэ, “Өлүөнэ очуостара” пааркаҕа сылдьар былааннаахтар.