Алексей Амбросьев устубут "Агент Мамбо" киинэтэ VIII Чебоксарытааҕы норуоттар икки ардыларынааҕы киинэ бэстибээлин этническэй уонна эрэгийиэннэр киинэрин бырагырааматыгар кыайыылааҕынан ааттанна уонна "Анне" бирииһи ылбыт.
Киинэ бэстибээлин түмүгүн өссө сэтинньигэ таһаарбыттар эбит, ол эрээри бирииһи билигин туттарбыттар. Бу туһунан киинэҕэ сүрүн оруолу толорбут Виталий Щукин инстаграмыгар суруйбут.
Бу ыччакка аналлаах киинэ 2019 сыллаахха уһуллубута уонна быракаакка 16 мөл.солк. тахсаны хомуйбута.
