Киир

Киир

Кулун тутар 14 күнүгэр, Өксөкүүлээх аатынан норуоттар доҕордоһууларын дьиэтигэр, Өрөспүүбүлүкэтээҕи «Сомоҕолоһуу, доҕордоһуу үҥкүүтэ» эргиирдээх, национальнай үҥкүү күрэҕин улахан гала-кэнсиэрэ буолан ааста. Манна Саха сиригэр олорор-үлэлиир норуоттар Ассамблеяларын уонна национальнай түмсүүлэрин айар кэллэктииптэрэ көхтөөх кытыыны ыллылар. Тэрээһин быйыл Өлүөхүмэ улууһугар ыытыллыахтаах – “Олоҥхо ыһыаҕа - 2021” саха национальнай бырааһынныгар ананна. Тэрийээччилэринэн буоллулар СО НКО «Өлүөхүмэ улууһун Ассамблеята» СӨ МТ, Дьокуускай куораттааҕы Өксөкүүлээх аатынан норуоттар доҕордоһууларын дьиэтэ. Кэрэхсэбиллээх нүөмэрдэр, чаҕылхай көстүүмнэр, омук быһыытынан уратыларын көрдөрөр туһунан тыыннаах, сиэрдээх-туомнаах үҥкүүлэр, көрөөччүттэн кэлэр дохсун ытыс тыаһа - бу барыта истиҥ, кэрэ, сырдык бырааһынньыктааҕы эйгэнэн саала иһин толордо.

Бэйэлэрин айар үлэлэрин чаҕылхай ситиһиилэринэн көрөөччүлэри үөртүлэр: Нерюнгри, Хаҥалас, Өлөөн, Өлүөхүмэ, итиэннэ Дьокуускай куорат үҥкүү бөлөхтөрө. Күрэх икки кэрдииһинэн ыытылынна. Тастан уонна иһиттэн дьүүллээһин көрүҥнэринэн. Кэнсиэр бүтүүтэ, күрэх түмүгэ таҕыста.

арарат

Арарат

Саха сирин тас сибээһин уонна норуоттар дьыалаларын Министиэристибэтин Анал бирииһэ тигистэ – «Арарат» диэн үҥкүү бөлөҕөр (“Дьокуускай куорат эрмээннэрин Сойууһа уопсастыбыннай тэрээһин”).

Көрөөччүлэр биһирэбиллэрин бириистэрэ, ону таһынан 5 000 тыһыынча суумма харчынан сэртипикээт туттарылынна «Байкал» диэн ааттаах Мииринэй куораттан сылдьар бүрээт омук национальнай тэрээһинигэр. Өксөкүүлээх аатынан норуоттар доҕордоһууларын дьиэтэ “Инстаграмм” сирэйигэр тастан куоластааһын түмүгүнэн, элбэх лайк ахсаанынан хомуйаннар.

Күрэх Гран-При бирииһэ, итиэннэ 10 000 тыһыынча сууммаҕа харчынан сэртипикээккэ тигистэ - Нерюнгри куоратыттан сылдьар «Арктика» оскуола кэллэктиибигэр.

гавриил

Гавриил Суздалов

Саха сирин тас сибээһин уонна норуоттар дьыалаларын Министиэристибэтин аатыттан туһунан бирииһинэн наҕараадаланна – Нерюнгри куоратыттан сылдьар талааннаах кыттааччы Гавриил Суздалов.

Бары кыттааччыларга Өрөспүүбүлүкэтээҕи «Сомоҕолоһуу, доҕордоһуу үҥкүүтэ» эргиирдээх, национальнай үҥкүү күрэҕин дьупулуомнара туттарылыннылар.

грация

Грация

Гала – кэнсиэри бэйэлэрин чаҕылхай эҕэрдэ үҥкүүлэринэн киэргэттилэр “Сюрприз” эстрадатааҕы норуот ансаамбыла уонна “Грация” үҥкүү ансаамбыла.

гиркилэн

Гиркилэн

махтал

Махтал

мохсоголлох

Мохсоҕолоох

Махтанабыт бары кыттыбыт дьоҥҥо, баҕарабыт айар үлэҕитигэри өссө үрдүк ситиһиилэри!

“Ил-эйэ эйгэтигэр өрүү олоруҥ!” – диэн алгыс тылларынан түмүктэннэ «Сомоҕолоһуу, доҕордоһуу үҥкүүтэ» норуот бырайыага.

Өксөкүүлээх аатынан норуоттар доҕордоһууларын дьиэтин пресс-киинэ

Тарҕат:

Санааҕын суруй

Бүтэһик сонуннар