Быйыл Өлүөхүмэ куоратыгар ыытыллар Олоҥхо ыһыаҕын култуурунай тэрээһиннэригэр 1,7 тыһ. тахса киһи кыттыаҕа, ол иһигэр 200 тыйаатыр артыыһа, муусука, үҥкүү, айар кэллэктииптэрэ баар буолуохтара. Бу туһунан култуура министиэристибэтин пресс-сулууспата суруйар.
Былырыын ыытыллыахтаах тэрээһин хамсыгынан сибээстээн быйылгыга көспүтэ. Ыһыах “Аанньаах хочото” диэн сиргэ ыытыллыаҕа. Быйылгы бырагыраамаҕа улахан дьоҥҥо, ыччакка уонна оҕолорго олоҥхону толорууга, үҥкүү тылын этиигэ, уустарга, оҕо айар холбоһуктарыгар уонна саха таҥаһыгар күрэхтэр ыытыллыахтара. Күнү көрсүү, кымыһы иһии сиэрэ-туомиа, алгым, олоҥхону толоруу, ат сүүрдүүтэ ыытыллыаҕа. Маны таһынан ыһыах кэмигэр араас быыстапкалар, атыы-кутуу барыаҕа.
Быйылгы Олоҥхо ыһыаҕын уратытытан “Дьоллоох өрөспүүбүлүкэ” диэн саха киинэтин бэстибээлэ ыытыллыаҕа. Маннык бэстибээл 2017 сыллаахха Үөһээ Бүлүүгэ ыытыллыбыт Манчаары оонньууларыгар уонна Алдаҥҥа 2018 сыллаахха буолбут Олоҥхо ыһыаҕар буолбута.
