Саха сирин режиссердарыттан биир саамай ааттаахтара-суоллаахтара Дмитрий Давыдов хомуйбут наҕараадаларын Амма иккис нүөмэрдээх орто оскуолатын М.А. Широких аатынан оскуола устуоруйатын түмэлигэр туттарбыт. Бу туһунан улуус дьаһалтатын пресс-сулууспата иһитиннэрдэ.
Дмитрий Давыдов бу оскуолаҕа алын кылаас учууталынан үлэлээбитэ. "Биһиги Дмитрий Леонидовичка бу бэртээхэй бэлэҕин иһин махталбыт муҥура суох. Кинотаврга ылбыт куубагын кытары бэлэхтээтэ. Түмэлгэ уларытыылары оҥорор былааннаахпыт, онно Дмитрий Давыдовка аналлаах туспа муннук баар буолуоҕа", - диэн түмэл сэбиэдиссэйэ Раиса Захарова кэпсээбит.
