Дойду бэрэсидьиэнэ Владимир Путин СӨ Опера уонна балет тыйаатырын вокалиһыгар Айталина Афанасьеваҕа дойду норуодунай артыыһын үрдүк аатын иҥэрдэ.
"Ускуустуба эйгэтигэр сүҥкэн кылаатын иһин Арассыыйа норуодунай артыыһын иҥэрэргэ", - диэн бэрэсидьиэн илии баттааһыннаах уурааҕар ыйыллар. Айталина Афанасьева (Адамова) - Саха сирин уонна РФ үтүөлээх артыыһа, Арассыыйа уонна аан дойду таһымнаах воклистар күрэхтэрин хас да төгүллээх лауреата. Кини 1995 сылтан ыла опера уонна балет тыйаатырыгар солиһынан үлэлиир, тыйаатыр уус-уран сэбиэтин чилиэнэ.
