Киир

Киир

Саха уустара муус устар 1-4 күннэригэр Москубаҕа ыытыллыбыт "Клинок — традиции и современность" быһах бөдөҥ норуоттар икки ардыларынааҕы быыстапкатыгар ситиһиилээхтик кытыннылар.

Быыстапкаҕа 12 эрэгийиэнтэн 180 уус кыттыбыт, Саха сирин чиэһин 8 тимир ууһа көмүскээбит.  Биһиги уустарбыт саха быһаҕын көрдөрбүттэр, ордук болҕомтону кыра кээмэйдээх  быһычча быһахтар ылбыттар. Урут-уруккуттан саха быһаҕын сэргииллэр, бу да сырыыга элбэх киһи анаан-минээн саха быһаҕын көрөрү кэлбит. "Авторский нож" анал аакка Афанасий Шепелев бастаабыт, маны таһынан кини "Национальный нож" номинацияҕа үһүстээбит. Илларион Попов быһаҕы оҥорууга өр сыллаах кылаатын иһин дьупулуомунан наҕараадаламмыт, кини норуот үгэһин сөргүтүүтүн иһин өссө биир грамотаны ылбыт. Бу быыстапка 2000 сылтан ыла тиһигин быспакка ыытыллар, манна аан дойдуттан уустар мустан сэминээри, маастар-кылаастары, быыстапкалары ыыталлар.

 

Тарҕат:

Санааҕын суруй