Муус устар 15 күнүттэн Саха сирин бары киинэ тыйаатырдарыгар саха киинэтин устуоруйатыгар саамай элбэх хомуйууну киллэрбит киинэ приквелын (киинэ ис хоһоонун иннитээҕитэ, эрдэ буолбута) көрдөрүүтэ саҕаланар.
Киинэ сүрүн көстүүтэ Альберт Ноговицын оонньуур оруола – көрдөөх-нардаах, хаһан ла санаатын түһэрбэт, мэлдьи ырыанан сылдьар Трупак тула эргийиэҕэ. «Агент Мамбо» киинэҕэ көстүбүт түбэлтэлэр буолуохтара биэс сыл иннинээҕи хартыына ойууланар.
Дьулус уонна Оппуонньа – көннөрү дэриэбинэ уолаттара, рэп ааҕаллар уонна сыыдам массыыналары сөбүлүүллэр. Күнүһүн хачыгааркаҕа үлэлииллэр, киэһэтин аудио альбомнарын усталлар, уонна бастыҥ олоххо баҕараллар. Ордук Оппоос диэн хос ааттаах Оппуонньа оннук олоххо тардыһар, куоракка талаһар, санаатыгар дэриэбинэҕэ олох суох диэн өйдөбүллээх. Оттон кини доҕоро Трупак диэн хос ааттаах Дьулус уол, төттөрүтүн төрөөбүт дойдутун быраҕан барыан санаата буолбат.
Арай биирдэ Дьулуска соһуччу, кини олоҕун тосту уларытар сурук кэлэр, кини Дьылҕа Хаан ыйааҕынан Дьоллоох Дьокуускайга олоҕун суолун тургута айанныыр.
