Киир

Киир

 

Саха ынаҕын туһунан хоһоон-ырыа күрэҕин барыл дьүүлүгэр барыта 42 хоһоон турда. Биллэриллибит болдьохтон хойутаан киирбит хоһооннор күрэххэ киллэриллибэтилэр. Ис хоһоон өттүнэн табыла суохтар эмиэ сыыйылыннылар.

“Бастыҥ хоһоон” тосхол кыайыылаахтарын быһаарарга маннык сүбэ тэриллэн үлэлиир:

түсчүт – Афанасий Гаврильевич Гуринов-Арчылан, “Күрүлгэн” сурунаал уонна “Кыым” хаһыат “Кулуһун” уус-уран сыһыарыытын дьаһабыла;

дьүүлдьүттэр:

Гавриил Иннокентьевич Адамов-Сайдам – суруйааччы;

Людмила Павловна Григорьева – ХИФУ доцена, филология кандидата;

Михаил Егорович Иванов-Чуона Мэхээлэ – суруйааччы;

Василий Тимофеевич Лукин – “Саха сүөһүтэ” ХТ солбуйар салайааччыта;

Саргылаана Семёновна Спиридонова-Кэрэмэс Кийиитэ – суруйааччы;

Владимир Николаевич Степанов – “Ситим” медиа бөлөх уонна “Төрүт баай” УоТ салайааччыта.

Дьүүлдьүттэр бэйэлэрин тоҕус бастыҥнарын талбыттарын түмүгэр күрэх туһааннаах тосхолугар бастыҥнары быһаарыы барыл испииһэгэр 25 хоһоонньут ааста.

Ол курдук: “Сахам саадьаҕай ынаҕа” – Надежда Азарова-Алаас Илгэ (Нам, Таастаах), “Эриэҥкэйим барахсан” – Екатерина Александрова-Ылдьаа кыыһа Кээтии (Горнай, Бэрдьигэстээх), “Санатта оҕустаах саханы” – Айталыына Аммосова (Дьокуускай), “Сахам ынаҕа” – Битээлий Артамонов (Уус-Алдан, Бэйдиҥэ), “Саха ынаҕа – Өрүөстээҕим” – Александр Васильев (Мэҥэ Хаҥалас, Аллараа Бэстээх), “Саха ийэ ынаҕа” – Глафира Васильева (Үөһээ Бүлүү, Оҥхой), “Саадьаҥкабын таптыыбын” – Маргарита Егорова (Ньурба, Чуукаар), “Саха ынаҕар махталым” – Татьяна Винокурова-Сабыйа, “Саха ынаҕа” – Елена Григорьева (Дьокуускай), *** “Мааныкайым барахсан...” – Лидия Диодорова, “Саха ынаҕа” – Дмитрий Захаров (Мэҥэ Хаҥалас, Сыымах), “Саха ынаҕа” – Ирина Колодезникова-Ымыы (Таатта), *** “Үүтэ хойуу...” – Валентина Комиссарова-Күлүмүрэ (Дьокуускай), “Сахабыт ынаҕа барахсан” – Римма Корякина-Хотууна (Чурапчы), “Барытыгар бастыҥ – Бартыһаан” – Софья Михайлова (Нам, Таастаах), *** “Сахабыт саадьаҕай ынаҕа...” – Мария Павлова (Чурапчы), “Саха ынаҕа барахсан” – Елизавета Рожина (Дьааҥы, Улахан Күөл), “Саха ынаҕа” – Алла Сельтюкова-Айаалла (Ньурба, Хорула), “Сахам бастыҥ ынаҕа” – Анна Семёнова-Арылы Кустук (Бүлүү, Чинэкэ), “Сахам ынаҕа” – Игнатий Слепцов (Дьааҥы), “Мааныкай” – Мусьяна Сосина (Мэҥэ Хаҥалас, Сыымах), “Сахам ынаҕа” – Алексей Татаринов-Удьурҕай (Нам, I Хомустаах), “Бостуук уолан ырыата” – Индиана Феофанова (Дьокуускай), *** “Саха төрүт сүөһүтэ...” – Матрёна Шепелева-Мооро кыыһа Мотуруона (Дьокуускай), “Алачайбыт, Маҥааспыт” – Вячеслав Хон (Дьокуускай).

Дьүүллүүр сүбэ салгыы үлэлээн, күрэх үс бастыҥа быһаарыллан, Өрөспүүбүлүкэ күнүн көрсө, муус устар 26 күнүгэр “Бастыҥ хоһоон” тосхол кыайыылаахтара ааттаныахтара.

Тэрийээччилэр: “Саха сүөһүтэ” хааһына тэрилтэтэ,

“Төрүт баай” уопсастыбаннай тэрилтэ, “Кыым.ру” саайт.

Тарҕат:

Санааҕын суруй