Быйыл Нидерланды Роттердам куоратыгар 65-с төгүлүн ыытыллар Евровидение-2021 эстраднай ырыа күрэҕэр саха кыыһа Июлина Попова эмиэ кыттыаҕа.
Кини Арассыыйа чиэһин көмүскүүр Манижа хамаандатыгар бэк-вокалист быһыытынан киирсэн кыттыаҕа. Күрэх бастакы, иккис полуфинала уонна күрэх финала ыам ыйын 18, 20 уонна 22 күннэригэр буолаары турар.
Манижа "Russian Woman" ("Русская женщина") диэн ырыатынан кулун тутар 8 күнүгэр ыытыллыбыт национальнай сүүмэрдиир күрэххэ элбэх куолаһы ылан бастаабыта. Бу ырыа аҕыс айдааны тарда сылдьыбыта. Манижа бэк-вокалыгар биһиги кыыспыт, "Главная сцена", "Голос" бырайыактар кыттыылаахтара Июлина Попова киирсэн кыттаары бэлэмнэнэр.
