«Киинэ өрөспүүбүлүкэтэ» киинэ бэстибээлэ, кылгас киинэ оҥорон таһаарааччыларары тэрээһиҥҥэ көхтөөхтүк кыттаргытыгар ыҥырар.
«Сахафильм» саайтыгар sakhafilm.ru бэстибээлгэ кыттарга сайаапкалары ылыы саҕаланна. Сайаапка хомуйуу 2021 сыл, от ыйын 31 күнүгэр диэри салҕаныаҕа.
«Киинэ өрөспүүбүлүкэтэ» - бу бэстибээл ураты көрүҥэ, саҥа айар холбоһуктары тэрийэргэ табыгастаах былаһаакка, саҥа тыын, саҥа көрүү, саҥа жанрдар!
Бэстибээл сыала-соруга: саҥа ааттары көрдөөһүн уонна таһаарыы, бастыҥ үлэлэри сырдатыы. Эдэр талааннарга бэйэлэрин сайыннаралларыгар көмөлөһүү, саҕахтары арыйыы.
Бэстибээлгэ тастан да иһиттэн да сылдьан кыттыахха сөп. Идэтийбит киинэ устааччылары таһынан, идэтэ суох киинэ устуутугар бастакы холонооччулар эмиэ кыттыыны ылыахтарын сөп.
Киинэлэри сүүмэрдээһин үс хайысханан барыаҕа:
- Оонньуу киинэ
- Документальнай киинэ
- Анимационнай киинэ
Бары үлэлэр 30 мүнүүтэттэн уһуна суох буолаллара ирдэнэр. 2019-2021 сс. диэри уһуллубут үлэлэр ылыллаллар.
Финалы ааспыт кыттааччылар үлэлэрэ, «Киинэ өрөспүүбүлүкэтэ» бэстибээл сүрүн куонкуруһугар киирсэллэр. Кыттааччылар испиэһэктэрэ 2021 сыл атырдьах ыйыгар «Сахафильм» саайтыгар тахсыаҕа. Кыайыылаахтар харчынан бириис ылыахтара.
«Сахафильм» киинэ хампаанньата
