Киир

Киир

М.Н. Жирков аатынан Дьокуускайдааҕы муусука колледжын 3 выпускнига дойду биллэр консерваторияларыгар күүстээх тургутуга ааһан, салгыы үөрэнэр буоллулар. Бу туһунан СӨ Култуураҕа уонна духуобунай сайдыыга министиэристибэтэ иһитиннэрэр.

Ол курдук, П.И. Чайковскай аатынан Москубатааҕы судаарыстыбанай консерваторияҕа "Академическай толоруу" хайысханан Дмитрий Пикутскай үөрэниэҕэ. Дима баритон куоластаах, икки октаваны ылар. Кини колледжка устудьуоннар сэбиэттэрин салайбыт, норуоттар икки ардыларынааҕы күрэхтэр кыайыылаахтара. 

Оттон Новосибирскайдааҕы М.И. Глинка аатынан консерваторияҕа "Опернай толоруу усукуустубата" хайысханан Наум Филиппов туттарсан киирбит. Кини олус көхтөөх, хас да билим кэмпириэнсийэлэригэр кыттан биһирэммит. Оттон бу консерватория "Музыковедение" хайысхатынан Клара Соловьева туттарсан киирдэ. Кини Аммаҕа муусука оскуолатын бүтэрэн баран колледжка ситиһиилээхтик үөрэммитэ. Олоҥхону толорор, дьиэрэтии, дэгэрэҥ ньымаларын баһылаабыт. Үһүс куурустан Белай Гораҕа ускуустуба оскуолтыгар сольфеджио уонна муусука литэрэтиирэтин үөрэппит.

Тарҕат:

Санааҕын суруй