Киир

Киир

Кыргызстааҥҥа "Кыргыыстыы-сахалыы тылдьыт" тахсыбыт. Ааптар Темирлан Бейшенов төһө да анал тыл үөрэхтээҕэ буолбатар, бэйэтэ дьаныһан туран саха тылын үөрэппит.

Кини Киргизияҕа Токтогуль оройуонун Куйбышев (билиҥҥитэ Бала-Чычкан) сэлиэнньэтигэр 1978 сыллааха төрөөбүт. Москубаҕа юрист идэтигэр үөрэммит. 1998 сылтан ыла Саха сиригэр кэлэн урбаан эйгэтигэр үлэлээбит. Бэйэтэ суруйар дьоҕурдаах, "Тынчы кумурска" диэн сэһэннэрэ "Замандаш" диэн сурунаалга 2010 сыллаахха тахсан киэҥ биһирэбили ылбыт.

Кини "мин Саха сиригэр хас да сыл олорон үлэлээбитим. Онно элбэх биир дойдулаахтарым үлэлииллэр. Мин уһун унньуктаах кыһыҥҥа түүннэри умсугуйан туран саха тылын үөрэппитим. Биһиги тылбытыгар уруулуу буолан үөрэтэргэ судургу этэ. Элбэхтэ кинигэлэри көрдөөбүтүм, баай бибилэтиэкэни муспутум, интэриниэккэ эмиэ хаһыспытым, ол эрээри кыргыыстыы-сахалыы тылдьыты ханна да булбатаҕым. Ол иһин бэйэм баҕабынан сахалыы тылы үөрэтиэн баҕалаахтарга тылдьыт таҥан таһаардым. Икки уруулуу омук литэрэтиирэлэрэ, сыһыаннара хардарыта сайдыыларыгар бу тылдьыт көмөлөөх буолуо дии саныыбын. Мин тыл үөрэхтээҕэ эҥин буолбатахпын, боростуой тылы таптыыр киһи үлэтэ", - диэн ааптар билиммит.

 

Тарҕат:

Санааҕын суруй

Бүтэһик сонуннар