Киир

Киир

Бу күннэргэ Сочи куоракка дойду бастыҥ уонна саҥа кинематографистарын, эспиэрдэрин, кириитиктэрин түмэр “Кинтавр” бэстибээл саҕаланна.

Быйылгы бэстибээл дьүүллүүр сүбэтин биллэр артыыс Чулпан Хаматова иилээн-саҕалаан салайар. Кини этэринэн, бырагыраамаҕа Арассыыйа араас муннуктарыттан 15 хартыына (киинэ) киирбит. Ол иһигэр биһиги режиссербут Владимир Мункуев устубут “Нуучча” диэн киинэтэ.

Киинэ ис хоонуттан быһа тардан кэпсээтэххэ... Өрөбөлүүссүйэ иннинээҕи Саха сирэ. Оҕото-уруута суох, бу иннинэ икки оҕолорун көмпүт Хабдьылаах Кэрэмэс. Кинилэргэ көскө кэлбит нуучча хаайыылааҕын олохтууллар. Ол күнтэн ыал олоҕо түөрэ уларыйар... Киинэ В.Серошевскай "Хаайыылаах" сэһэнинэн уһуллубут.

Бу иннинэ “Нуучча” Карловай Варга буолбут норуоттар икки ардыларынааҕы киинэ бэстибээлигэр “Илин – Арҕаа” сиэксийэҕэ Гран-при буолбута. “Бу да сырыыга ситиһиилээх кэлэр ини” диэн эрэнэбит!

Тарҕат:

Санааҕын суруй