Киир

Киир

Горнай Бэрдьигэстээҕэр бүгүн, алтынньы 1 күнүгэр, "Култуура эйгэтэ" федеральнай бырайыак иитинэн саҥа көлүөнэ Оҕо бибилэтиэкэтэ арылынна. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

"Саха сирэ Уһук Илиҥҥэ модельнай бибилэтиэклэри арыйыыга инники күөҥҥэ сылдьар. Горнай улууһа - өрөспүүбүлүкэҕэ саамай социальнай көхтөөх, араас граннарга куруук кыттар. Билигин модельнай бибилэтиэкэлэр кинигэни харайааччы эрэ буолбатахтар, манна оҕолор кэлэн талааннарын арыйар, сайыннарар, сынньалаҥ сирдэрэ", - диэн бибилэтиэкэ үөрүүлээх арыллыытыгар бырабыыталыстыба бэрэссэдээтэлин солбуйааччы Сергей Местников эттэ.

Бибилэтиэкэ 5 мөл. солк. гарны сүүйбүт. Инньэ гынан өрөмүөн оҥоһуллубут, саҥа миэбэли ылыммыт,  3D-принтер, 3D-очки, ручкалар, уотунан уруһуйдуурга тэриллэр, тыһыынчаттан тахса кинигэ атыылаһыллыбыт. Бибилэтиэкэҕэ элбэх функциялаах саала, оонньуур сир, ааҕар саала баар буолбут.  

Маны таһынан бибилэтиэкэҕэ интерактивнай оонньуур хос,  Wi-Fi-даах уонна коворкиннаах саала, көмпүүтэр хоһо баар. Куруһуоктарга, маастар кылаастарга аналлаах туспа хос тэриллибит. Инбэлиит дьоҥҥо табыгастаах буоллун диэн пандус, тутуһар сир, дьоҕус аан туруоруллубут. 

 

Тарҕат:

Санааҕын суруй

Бүтэһик сонуннар