Алисия Пак уонна Иван Одинцов Арассыыйатааҕы судаарыстыбаннай бириэмийэ лауреата, Арассыыйа норуодунай артыыската, Улахан тыйаатыр прима-балерината, аан дойдутааҕы балет сулуһа этуали Ла Скала Светлана Захарова үтүөнү оҥорор фондатын стипендиатынан буоллулар.
Алиса уонна Иван - Дьокуускайдааҕы балет оскуолатын иккис кууруһун устудьуоннара. Кинилэр бүтүн Арассыыйатааҕы уонна норуоттар икки ардыларынаҕы балет күрэхтэрин кыайыылаахтара, Саха Өрөспүүбүлүкэтин Тус сыаллаах кэлэр көлүөнэ пуондатын гырааннара.
“Үөрэх дьыла саҕаланыытыгар Иван Одинцов Арассыыйа Федерацията ыытар Арассыйатааҕы “Молодые дарования России” күрэххэ “Хореографиеское искусство” номинациятыгар миэстэлэспитэ, оттон Алисия Пак “Россия-Культура” ханаалыгар “Большие и маленькие” бырайыакка кыттан кыайыылааҕынан буолбута. Бу тэрээһиҥҥэ Арассыыйа араас профессиональнай үҥкүү үөрэҕин тэрилтэлэриттэн кэлэн кыттыыны ылбыттара”, - диэн А. уонна Н. Посельскайдар ааттарынан Дьокуускайдааҕы балет оскуолатыттан иһитиннэрдилэр.
Маны таһынан, кинилэр араас сыллар тухары, дойду бэрэсидьиэнэ Владимир Путин көҕүлээһининэн тэриллибит “Талант и успех” пуондата ыыппыт Сочи куоракка “Сириус” үөрэтэр киинин биэс симиэнэтигэр үөрэҕи ааспыттар. Манна биир симиэнэҕэ Светлана Захарова бэйэтэ кэлэн биирдэ маастар-кылаас ыыппыт эбит.
