Киир

Киир

Бүгүн Хомус күнүгэр 2011 с. бэс ыйын 24 күнүгэр Саха сирин устуоруйатыгар аан бастаан “Аан дойдуга саамай улахан хомус ансаамбыла” диэн Гиннес кинигэтин  рекорда олохтоммутун санатыаҕы баҕарыллар. Ол аата номнуо 10 сыла буолбут. Ити күн СӨ Судаарыстыбаннай циркатын дьиэтигэр Саха сирин 1344 хомусчута мустан, хомуска анаан суруллубут композицияны Гиннес рекордун бары ирдэбиллэригэр эппиэттиир гына биир киһи курдук толорон рекорду олохтообуттара. Гиннес рекордун идиэйэтин оччолорго СӨ Тас дойдуларга сибээһин миниистирэ В.И. Максимов көтөхпүтэ. Рекорду олохтооһун ити сыл ыытыллыбыт аан дойдутааҕы VII “Хомус аан дойду култуурунай эйгэтигэр” диэн конгресс-бэстибээл чэрчитинэн ыытыллыбыта.

Сахалар олохтуохтаах рекордтарын “эксээмэннии” Лондонтан анаан-минээн Гиннес рекордун судьуйата Клер Бергисс кэлбитэ. Кытаанах судьуйа этэ, циркаҕа олорор дьону эрээттэр быыстарынан хаама сылдьан кыттааччылар хомустара дьиҥнээҕин, сорохтору сатаан оонньуулларын үчүгэйдик бэрэбиэркэлээн, 1344 киһи чахчы биир ансаамбыл буоллулар диэн итэҕэйэн баран рекордунан билиммитэ.

e5c52a94 a4f1 4339 bf5e 6fffd5c6ceb0

Гиннес рекордун олохтоон Саха сирэ аан дойдуга хомус киинэ буолар үрдүк аатын өссө төгүл чиҥэтэн бигэргэппитэ.

Бу рекорд олохтонуутугар билигин СӨ норуодунай дьокутаата Мария Христофорова салайар биһиги “Ситим” медиабөлөхпүт биир тэрийээччи уонна пресс-киини салайааччы быһыытынан улахан кылаатын киллэрбитэ.

Өссө санаттахха, эһиилгититтэн Мария Христофорова идиэйэтинэн, Дьокуускай куорат мээрийэтин кытта “Ситим” Медиа-бөлөх, “Кыым” хаһыат быһаччы тэрийиилэринэн:

-  2012 с.  Туймаада ыһыаҕар 15 293 киһи кыттыылаах “Саамай улахан оһуохай үҥкүүтэ”;

-2014 с. Туймааада ыһыаҕар 11136 киһи кыттыылаах “Саамай улахан кымыс иһиитин туома”;

- 2017 с. Туймаада ыһыаҕар 16 620 сахалыы таҥастаах киһи кэлэн «Саамай элбэх сахалыы таҥастаах дьон” диэн рекордтар олохтоммуттара.

Бу рекордтар Саха сирин креативнай экэниэмикэтэ сайдыытыгар улахан төһүү буолбуттара.

Холобур, эһиилигэр, 2018 с. Алдаҥҥа ыытыллыбыт Олоҥхо ыһыаҕар араас омук сахалыы таҥнан кэлбиттэрэ, ыһыаҕы сахалыы тыыннаан ыыппыттара туоһулуур. Кырдьыгынан эттэххэ, ол иннинэ бырамыысыланнай оройуоннарга саха култууратын, таҥаһын, сиэрин-туомун үчүгэйдик билбэттэрэ.

сахпарлл

Бэйэбит корр.

 

Тарҕат:

Санааҕын суруй