Киир

Киир

«Сахафильм» судаарыстыбаннай киинэ хампаанньата саҥа дириэктэрдэннэ. Салайааччынан биллиилээх уонна уопуттаах продюсер Сардана Саввина буолла. Бу иннинэ, «Сахафильм» дириэктэринэн Дмитрий Шадрин үлэлээбитэ уонна кэлин уурайарын туһунан сайабылыанньаны балаҕан ыйыгар суруйбута. Кини кэнниттэн, генеральнай дириэктэр эбээһинэн толорооччунан Сардана Саввина анаммыта.

«Сарданы Саввина салайааччыга хандьыдаат буолуутун аан бастаан кэллэктиип, онтон култуура министиэристибэтэ өйөөбүтэ. Кини уопуттаах продюсер, киинэ дьыалатыгар бэртээхэйдик быһаарсар салайааччы...» - диэн Саха сирин култуураҕа уонна духуобунай сайдыыга миниистирин солбуйааччы Марина Силина этэр.

Сардаана Саввина – Арассыыйаҕа биллэр, ситиһиилээх продюсер, СӨ үөрэҕириитин туйгуна, СӨ култууратын туйгуна, А.Е. Кулаковскай аатынан судаарыстыбаннай бириэмийэ лауреата.

Кини М.К. Аммосов аатынан Дьокуускайдааҕы судаарыстыбаннай үнүбэрситиэт омук тылын салаатын, А.И. Герцен аатынан Арассыйатааҕы судаарыстыбаннай педагогическай үнүбэрситиэти, С.А. Герасимов аатынан Бүтүн Арассыыйатааҕы кинематография үнүстүтүүтүн бүтэрбитэ.

Дьокуускай куорат 26 нүөмэрдээх оскуола-гимназияҕа Аангылыйа тылын учууталынан, ол кэнниттэн гуманитарнай дисциплинэлэр хаапыдыратыгар преподавателинэн, салгыы Арктикатааҕы судаарыстабаннай култуура уонна искусстволар үнүстүтүүтүгэр отдел салайааччытынан, онтон Олоҥхо Тыйаатырыгар үлэлээбитэ. 2018 сыллаахтан «Сахафильм» киинэ хампаанньатыгар продюсерынан үлэлиир.

сахафильм 

Тарҕат:

Санааҕын суруй

Бүтэһик сонуннар