Киир

Киир

Ньурбатааҕы Искусство оскуолатын кэлэктиибэ Саха сирин дьахталларыттан бастакы композитор Полина Иванова талааныгар сүгүрүйээччилэргэ үтүөкэн киэһэни бэлэхтээтэ.

Ахсынньы 4 к. Ньурбатааҕы Искусство оскуолатыгар СӨ искусствотын үтүөлээх диэйэтэлэ, "Гражданскай килбиэн" бэлиэ кавалера Полина Иванова 70 сааһыгар аналлаах "Мин дууһам муусуката" кэнсиэрт ыытылынна. Тэрээһини улуустааҕы култуура департаменын салайааччытын солбуйааччыта, Искусство оскуолатын театральнай кылааһын преподавателэ Лена Степанова хомоҕойдук иилээн-саҕалаан салайан ыытта.

салайан ыытта

Ньурбатааҕы Искусство оскуолатын уонна кини Маалыкайдааҕы, Күндээдэтээҕи филиалын преподавателлэрэ, сыана бэтэрээнэ Тамара Семенова, Гаврил Монастырев уо.д.а. кытыннылар.

кытыннылар бастакыта

Дьон-норуот билиниитин-тапталын ылбыт биллиилээх композитор Полина Иванова фортепианнай айымньылара уонна ырыалара, ол иһигэр "Үөрүү", "Күөрэгэй" диэн 20-с үйэҕэ саха бастыҥ ырыаларын ахсааннарыгар киирбит ырыалара толоруллан, көрөөччүлэргэ истиҥ-иһирэх иэйиини, үөрүүлээх түгэннэри бэлэхтээтилэр. Искусство оскуолатыгар үөрэнэ сылдьар оҕолор сыанаҕа тахсан сэргэхтик ыллаан, муусукалаан, төрөппүттэр сүрэхтэрэ дириҥ иэйиинэн уонна дьолунан туолла. Улууспут биир кэрэ киэргэлинэн буолар "Элегия" вокальнай ансаамбыл, Искусство оскуолатын оркестра, "Туйаара" вокальнай ансаамбыл толорууларын киһи иһиттэр-истэн олоруох курдук.

олоруох курдук

Тамара Семенова Полина Иванова саамай биллэр ырыаларыттан биирдэстэрин, ССРС уонна Саха АССР норуодунай ырыаһыта, РСФСР М.И. Глинка аатынан Судаарыстыбаннай бириэмийэтин лауреата, Саха сирин литература уонна искусство эйгэтигэр П.А. Ойуунускай аатынан бириэмийэтин лауреата Анегина Ильина репертуарыгар ылланар "Күөрэгэй" диэн ырыатын, Гаврил Монастырев "Харыстыы сылдьыах" диэн Полина Иванова кэргэнигэр Василий Кузьмиҥҥа анаабыт ырыатын ситиһиилээхтик толордулар.

толордулар

Полина Иванова 1977-1982 сс. Маалыкай музыкальнай оскуолатын дириэктэринэн үлэлиир кэмигэр кинилиин чугастык алтыспыт Ньурбатааҕы Искусство оскуолатын дириэктэрэ Елизавета Евсеева, Убайааҥҥа биир уопсай дьиэҕэ ыаллаһан олорбут Саргылана Федорова уо.д.а. истиҥ ахтыылары оҥордулар. Дьон өйүгэр-санаатыгар умнуллубаттыы хатанан хаалбыт кини аҕата, кэрэ майгылаах үтүөкэн киһи, СӨ норуотун хаһаайыстыбатын үтүөлээх үлэһитэ Николай Евсеевич Иванов аата эмиэ иһирэхтик ахтылынна.

ахтылынна

Ньурба к. баһылыгын солбуйааччыта Мария Куличкина Полина Иванова култуура сайдыытыгар сүҥкэн кылаатын бэлиэтээн туран, "Ньурба к. социальнай-экэнэмиичэскэй сайдыытыгар кылаатын иһин" бэлиэнэн наҕарадаламмытын, сотору кэминэн Дьокуускайга кинини үбүлүөйунэн эҕэрдэни тиэрдэргэ анаан Лена Степановаҕа туттарда. Ньурба оскуолаларын бэрэстэбиитэллэрэ Полина Николаевнаҕа аадырыстаммыт сэмэй бэлэхтэрин туттардылар.

туттаржылар кэннэ

Уйаҕас-истиҥ тыын сатыылаабыт үтүөкэн киэһэтэ бу курдук көрөөччүлэргэ, Полина Иванова айар талааныгар сүгүрүйээччилэргэ кэрэ иэйиилэри бэлэхтээтэ.

Геннадий Антонов

Ылыллыбыт сигэтэ: Ньурба улууһун саайта -  https://xn--90adptbcs3gya.xn--p1ai/article/33447

Тарҕат:

Санааҕын суруй

Бүтэһик сонуннар

Полина Гагарина