Киир

Киир

Кэбээйигэ култуура тэрилтэтэ тэриллибитэ үбүлүөйүнэй тэрээһиннэрин үөрүүлээх дьоро киэһэтинэн "Сайдам " норуот айымньытын киинигэр улуус култууратын үлэһиттэрэ кыттыылаах "Бастыҥ култуура үлэһитэ - 2021" күрэх буолла.

 Күрэх саҕаланыан иннинэ быйылгы сылга үбүлүөйдээх култуура үлэһиттэрин, кулуупка урукку сылларга уонна билигин култуура салаатыгар үлэлии-хамсыы сылдьар бииртэн биир талааннаах үлэһиттэри чиэстээһин, наҕараадалааһын буолла.

"Сайдам" норуот айымньытын киинин дириэктэрэ Наталья Полятинская култуура үлэтигэр көмөлөһөр, тирэх буолар нэһилиэк олохтоохторугар, актыбыыстарга махталын биллэрэн бэлэхтэрин уонна түөскэ кэтиллэр үбүлүөйдээх бэлиэлэрин туттартаата.

Дьоро киэһэ иккис чааһынан култуура үлэһиттэрин күрэҕэ ыытылынна. Күрэххэ кыттыыны ыллылар: Кэбээйитээҕи "Сайдам" норуот айымньытын киинин специалиһа Климентий Эверстов, Арыттаах нэһилиэгин култууратын киинин уус-уран салайааччыта Владислав Егоров, Тыайа нэһилиэгин "Түмсүү' култуурунай киинин методиһа Светлана Лаврова, Сангаар бөһүөлэгин "Шахтер" культурнай киинин специалиһа Петр Кычкин-Сайылык Бүөтүрэ.

Күрэх түөрт түһүмэхтэн турда: бэйэни билиһиннэрии, үлэлии сылдьар бырайыактарын дьон-сэргэ иннигэр көмүскээһин, талааны көрдөрүү, ыытааччы быһыытынан тэрээһини сэргэхтик ыытыы.

Күрэх түмүгүнэн "Бастыҥ култуура үлэһитэ-2021" ааты Петр Кычкин-Сайылык Бүөтүрэ сүктэ. Күрэҕи норуот айымньытын киинин уус-уран салайааччыта Ефросиния Кириллина иилээн-саҕалаан ыытта.

кэбээйи 5

кэбээйи 9

кэбээйи 4

Ылыллыбыт сигэтэ: https://xn--80aaacn2d.xn--p1ai/article/34188

Тарҕат:

Санааҕын суруй