Педагогическай үлэ бэтэрээнэ, РСФСР үөрэҕириитин туйгуна, методист учуутал, "Саха-Азия оҕолоро" фонда стипендиата, Горнай улууһун Бочуоттаах олохтооҕо, поэт Степан Иванович Тимофеев-Кустуктаанап төрөөбүтэ 85 сылыгар анаммыт тэрээһиннэр буоллулар.
"Кэрэ ырыа ыллыахтын, кэскиллээҕи айыахпын" дьоро киэһэни олохтоох библиотека, сынньалаҥ киинэ тэрийэн ыыттылар. Нэһилиэк баһылыга М.Н. Текеянов олохтоох мелодистарга, Кустуктаанап хоһооннорун ырыа гынан кынаттаабыттарга Махтал суруктары С.К. Никифоровка, А.П. Вензельгэ, Д.Д. Санниковка, Ю.С. Антоновка туттарда. Оскуола дириэктэрэ Н.Н. Эверстов эҕэрдэ тылын эттэ. Кустуктаанап доҕоро Петр Гаврильевич Сивцев Степан Кустуктаанап туһунан олоҕун туһунан сырдатта.
Бу курдук, нэһилиэк тэрилтэлэрэ, түмсүүлэрэ кыттыгастаах Кустуктаанап хоһоонноро ааҕылыннылар, ырыалара ылланнылар.
С.И. Тимофеев-Кустуктаанап аатынан орто оскуолата региональнай "Тыл кустугун түһэрэн" ааҕыылара куйаар ситимининэн үөрэнээччилэр икки ардыларыгар үс түһүмэҕинэн ыытылынна.
Нэһилиэкпит бастыҥ, чулуу киһибит олоҕун, айымньыларын бары сүрэхпитигэр тутан аатын ааттата, сырдата туруоҕуҥ!
Анастасия Максимова
