Саха Өрөспүбүүлүкэтигэр Ийэ сылын чэрчитинэн, Өксөкүлээх Өлөксөй аатынан норуоттар доҕордоһууларын дьиэтигэр Варвара Старостина-Абыйа «Винтаж» диэн тус быыстапката буола турар.
Варвара Капитоновна – СӨ Култууратын үтүөлээх үлэһитэ, үлэ бэтэрээнэ, «Саха сирин коллекционердара» эрэгийиэннээҕи уопсастыбаннай тэрилтэ чилиэнэ, «За вклад в развитие коллекционирования» бэлиэ хаһаайката.
Кэллиэксийэҕэ сүүтүктэр, күөх өстүөкүлэттэн иһиттэр, дельфиннэр, веердэр, духуу эриэккэс иһиттэрэ, дьиҥнээх таастан киэргэллэр, күндү уонна күндү аҥардаах таастартан оҥоһуллубут, бөлтөйбүт ойуулаах камея диэн киэргэллэр.
Бу ураты быыстапка Өксөкүлээх Өлөксөй аатынан норуоттар доҕордоһууларын дьиэтин фойетыгар кулун тутар бүтэһигэр диэри үлэлиэҕэ.
Өксөкүлээх Өлөксөй аатынан норуоттар доҕордоһууларын дьиэтин пресс-сулууспата
