Олунньу 23 күнүттэн муус устар 1 чыыһылатыгар диэри, эр дьон самодеятельнай айар кэллэктииптэрин икки ардыгар «Төрүт сирбит киэн туттуута» («Гордость земли родной») иккис өрөспүүбүлүкэтээҕи бэстибээл-куонкурус кэтэхтэн (дистанционно) ыытыллан түмүктэннэ.
Бэстибээл Саха АССР төрүттэммитэ 100 сылын чэрчитинэн ыытылынна. Бэстибээл-куонкурус сүрүн сыаллара-соруктара: эр дьон ырыатын-тойугун пропагандата уонна көлүөнэлэр утумнаһыылара; эр дьон самодеятельнай айар кэллэктииптэрин айымньылаах үлэлэрин көҕүлээһин уонна киэҥник тарҕатыы; айар кэллэктииптэр толорор култуураларын, маастарыстыбаларын үрдэтиигэ сабыдыаллааһын уонна харыстааһын; эр дьон уопсастыбаҕа бэйэлэрин көрдөрүүлэрэ; эгэлгэ хайысхаҕа сайдыылаах, интеллектуальнай уонна физическэй дьүөрэлэһии көмүскэһээччилэрбитигэр, аҕаларбытыгар уонна эр дьоммутугар баар буолуутун үөскэтии (формирование) уо.д.а.
«Төрүт сирбит киэн туттуута» («Гордость земли родной») иккис өрөспүүбүлүкэтээҕи бэстибээл-куонкуруска Сахабыт сирин 6 оройуонуттан эр дьон самодеятельнай кэллэктииптэрэ кыттыыны ыллылар.
Бэстибээл икки көрүҥүнэн ыытылынна: ырыа уонна уус-уран норуодунай айымньы. Түмүккэ лауреат уонна дипломант аатын сүкпүт кыттааччылар дьупулуомнарынан уонна кубоктарынан наҕараадаланнылар.
Бэстибээл-куонкурус дьүүллүүр сүбэтигэр үлэлээтилэр:
- Дьүүллүүр сүбэ бэрэссэдээтэлэ - CӨ песенник-ааптардар сойуустарын бэрэссэдээтэлэ, «Сырдык cүүрээн» образцовай ырыа устуудьуйатын салайааччыта, СӨ норуодунай артыыһа Алексей Васильевич Егоров.
Дьүүллүүр сүбэ чилиэннэрэ:
- СӨ Үтүөлээх артыыската Екатерина Борисовна Егорова.
- Арассыыйа Федерациятын Театральнай диэйэтэллэрин Сойууһун чилиэнэ, СӨ Култууратын уонна духуобунай сайдыытын Министиэристибэтин «Геокултуурунай сайдыытын институтун» сүрүннүүр методиһа, СӨ Култууратын үтүөлээх үлэһитэ Саргылана Саввична Адамова.
- Өксөкүлээх Өлөксөй аатынан норуоттар доҕордоһууларын дьиэтин омуктар икки ардыларынааҕы сыһыаннар салааларын сүрүннүүр испэсэлииһэ Ольга Робертовна Солдатова.
- Өксөкүлээх Өлөксөй аатынан норуоттар доҕордоһууларын дьиэтин Этнокултуураҕа үлэтин салаатын салайааччыта, СӨ култууратын туйгуна Любовь Егоровна Шишигина.
Бэстибээл-куонкурус түмүгэ
«Вокал» көрүҥэ:
- I истиэпэннээх Лауреат – Мэҥэ Хаҥалас улууһун, Табаҕа нэһилиэгин «Төлөн» эр дьон вокальнай ансаамбыла, сал. Павел Павлович Егоров.
- I истиэпэннээх Лауреат – Чурапчы улууһун, Дириҥ сэлиэнньэтин «Өркөн» эр дьон вокальнай ансаамбыла, сал. Фекла Ивановна Попова.
- II истиэпэннээх Лауреат – Уус Алдан улууһун, В.В.Никифоров-Күлүмнүүр аатынан «Тойон Мүрү» култуурунай киини «Дуолан» эр дьон вокальнай ансаамбыла, сал. Станислав Николаевич Луковцев.
- III истиэпэннээх Лауреат –Үөһээ Бүлүү улууһун, Үөһээ Бүлүү сэлиэнньэтин «Ситим» эр дьон вокальнай ансаамбыла, сал. Дмитрий Дьячковскай.
- I истиэпэннээх дипломант – Мэҥэ-Хаҥалас улууһун, Балыктаах сэлиэнньэтин «Ситим» эр дьон вокальнай ансаамбыла, сал. Иван Николаевич Прибылых.
- II истиэпэннээх дипломант – Мэҥэ-Хаҥалас улууһун, Бэдьимэ сэлиэнньэтин «Күрүлгэн» ансаамбыла, сал. Валерий Валерьевич Ноев.
- Хор кэллэктииптэригэр I истиэпэннээх дипломант – Мэҥэ-Хаҥалас улууһун, Сыымах уонна Бэдьимэ нэһилиэктэрин холбоһуктаах хордара, концертмейстер - Георгий Попов, аккомпаниатордар - Владимир Кузьмин, Валерий Ноев.
- Ааптарыскай ырыа толоруутугар I истиэпэннээх дипломант – Аскалон Лукич Егоров, Нам улууһа.
«Уус-уран норуодунай айымньы» көрүҥэ:
- I истиэпэннээх Лауреат – Мэҥэ Хаҥалас улууһун, Майа сэлиэнньэтин «Добун дорҕоон» кэллэктиибэ, сал. Галина Васильевна Эверстова.
Өксөкүлээх Өлөксөй аатынан норуоттар доҕордоһууларын дьиэтин этнокултуураҕа үлэтин салаата «Төрүт сирбит киэн туттуута» («Гордость земли родной») иккис өрөспүүбүлүкэтээҕи бэстибээл-куонкурус бары кыттааччыларыгар барҕа махталын тиэрдэр. Бэстибээл кыайыылаахтарын эҕэрдэлиибит уонна айымньылаах үлэҕитигэр үрдүк ситиһиилэри баҕарбыт.
Өксөкүлээх Өлөксөй аатынан норуоттар доҕордоһууларын дьиэтин пресс-сулууспатын матырыйаалыттан
