«Поём двором» диэн Бүтүн Арассыыйатааҕы аахсыйа Дьокуускайга саҕаланна. Хас биирдии бэтэрээн олбуоругар артыыстар тиийэн Кыайыы Күнүнэн эҕэрдэлииллэр уонна хас даҕаны байыаннай ырыаны ыллыыллар.
Бу аахсыйа чэрчитинэн, ыам ыйын 6 уонна 7 күннэригэр, «Туймаада» ырыа ансаамбыла Г. Кривошапко аатынан Судаарыстыбаннай филармония уонна Ю. Платонов аатынан Судаарыстыбаннай эстрада тыйаатырын артыыстара бэтэрээннэр олорор олбуордарыгар тиийэн, байыаннай ырыалары бэлэхтиэхтэрэ.
Хас биирдии бэтэрээн олорор тиэргэнигэр тэрээһиннэр араас кэмҥэ саҕаланыахтара.
Ыам ыйын 6 күнүгэр, Эстрада тыйаатырын артыыстар Богдан Чижик 6-с нүөмэрдээх дьиэтин тиэргэнигэр күнүс ыллыахтара, оттон 12.30 ч. Кузьмин уулуссатын 34-с дьиэтин 1-кы куорпуһугар, 16.00 чаастан Мархаҕа Сырдык уулуссатын 2/1 дьиэтигэр ырыа эгэлгэтин бэлэхтиэхтэрэ. Маны сэргэ, кэнсиэрдэр Петр Алексеев уулуссатын 21/3 дьиэтин олбуоругар сарсыарда 10.00 чаастан саҕаланыа, оттон 12.00 чаастан Семен Данилов уулуссатын 3/3 дьиэтин тиэргэнигэр буолуоҕа.
Ыам ыйын 7 күнүгэр, «Туймаада» ырыа ансаамбылын кэнсиэрэ 10.15 чаастан 202 микро-оройуон 14/1 куорпуһун таһыгар, оттон 11.11 чаастан 1-кы куорпуһугар ыытыллыаҕа.
Филармония аркыастыра күнүс 11 чаастан Хабаров уулуссатын 19-с дьиэтигэр, ол кэнниттэн 12.00 чаастан Петр Алексеев уулуссатын 5-с дьиэтин 1-кы куорпуһугар кыттыыны ылыаҕа. Бу күн, маны таһынан, Ленин проспегын 19-с дьиэтигэр, күнүс 11 чаастан, онтон 12.30 ч. 202 микро-оройуон 13-с куорпуһугар кэнсиэр эгэлгэтэ буолуоҕа.
СӨ Ил Дарханын уонна Бырабыыталыстыбатын пресс-сулууспата сырдатыытыттан
