Киир

Киир

Дьокуускайга III «Хомусист-виртуоз мира» Норуоттар икки ардыларынааҕы күрэс бочуотунай ыалдьыттара уонна кыттааччылара кэлитэлээн эрэллэр. Аэропуорка кинилэри Дьокуускайдааҕы  Аан дойду норуоттарын хомуһун Түмэлин уонна Киинин дириэктэрэ Дмитрий Бястинов көрүстэ.

Бастакы ыалдьыттар быыстарыгар «Коукин» (Варган) Дьоппуон омук ассоциациятын бэрэссэдээтэлэ, Норуоттар икки ардыларынааҕы варган уопсастыбатын чилиэнэ, буолаары турар күрэс дьүүллүүр сүбэтин чилиэнэ Лео Тадагава баар.

WhatsApp Image 2022 06 14 at 12.16.39

«Саха сиригэр өссө биирдэ кэлбиппиттэн үөрэбин. Күрэс кыттааччыларыгар туох баар үчүгэйдэрин, толору кыахтарын көрдөрөллөрүгэр баҕарабын. Күрэс үгэс буолбут истииллэри, төрүт инструменнарга оонньуур ньымалары харыстыырга, чөлгө түһэриигэ уонна киэҥник тарҕатыыга туһаайыллар», - диэн Лео Тадагава этэр.

Маны сэргэ, Дьокуускайга Татарстантан кыттааччылар Илдьар Гимадиев уонна Фаниль Вильданов кэллилэр.

WhatsApp Image 2022 06 14 at 12.16.38

«Биһиги күрэскэ кыттар эрэ буолбакка, Саха сиригэр хомус сайдыытын уопутун үөрэтэ, атын хомусчуттары кытта билсэ-көрсө кэллибит. Бу күрэс үрдүк таһымнаахтык тэриллибит, араас дойдулартан уонна эрэгийиэннэртэн толорооччулар кэлбиттэр. Күрэс норуоттар доҕордоһууларын бырааһынньыгынан буолар», - диэн кинилэр бэлиэтээн эттилэр.

Санатар буоллахха, III «Хомусист-виртуоз мира» Норуоттар икки ардыларынааҕы күрэс култуурунай көҕүлээһиннэр Бэрэсидьиэннээҕи пуондатын өйөбүлүнэн ыытыллар. Тэрийээччилэринэн СӨ Бырабыыталыстыбата, Култуура уонна духуобунай сайдыы Министиэристибэтэ, Дьокуускайдааҕы Аан дойду норуоттарын хомуһун Түмэлэ уонна Киинэ, Норуоттар икки ардыларынааҕы варган уопсастыбата буолаллар.

СӨ Ил Дарханын уонна Бырабыыталыстыбатын пресс-сулууспата сырдатыытыттан

Тарҕат:

Санааҕын суруй