Киир

Киир

Балаһыанньата, ирдэбилэ, сайаапканы хомуйуу.

Быйыл Туймаада ыһыаҕа Үс Хатыҥҥа бэс ыйын 25-26 күннэригэр ыытыллар. Бэлэмнэнии үлэтэ эрдэттэн барбыта. Үс Хатыҥ сирин-уотун, түһүлгэлэрин, суолун-ииһин саҥардан оҥороллорун таһынан быйыл ыһыахха сонун тэрээһиннэр, күрэхтэр буолаллар. Ыһыахха бэлэмнэнии хайдах баран иһэрин, туох үлэ ыытылларын “Улуу Хочо” балаһаҕа эрдэ сиһилии сырдатан турабыт. Бүгүн ала-чуо күрэхтэргэ тохтуохпут. Ол туһунан сиһилии ааҕыҥ.

Ханнык күрэхтэр ыытыллалларый? Туох ирдэбиллээхтэрий? Сайаапканы хаһааҥҥа диэри туталларый?

“Уһун баттах – кыыс оҕо киэргэлэ”

Буолар күнэ-дьыла: бэс ыйын 25 күнэ.

Буолар сирэ: Үс Хатыҥ, “Сайылык түһүлгэтэ” 10 №-дээх былаһаакка.

Күрэх түһүмэхтэрэ: бэйэ­ни билиhиннэрии, баттах уһу­нун кээмэйдээһин.

Үс бөлөҕүнэн ыытыллар: 4-6 саастаах, 7-9 саастаах, 10-13 саастаах кыргыттар кытталлар.

Сайаапканы хомуйуу: сайаапкалары бэс ыйын 25 күнүгэр диэри туталлар. Билсэр төл.: 89244665793, 89142258217.

“Иитиллибит ийэ тылбыт”
(уолаттарга, эр хоһууннарга аналлаах дорҕоонноохтук ааҕыы күрэҕэ)
 

Буолар күнэ-дьыла: бэс ыйын 25 күнэ, 14.00 ч.

Буолар сирэ: Үс Хатыҥ, “Тойук тоҕойо, Кымыс кырдала” 7-с №-дээх түһүлгэ.

Кыттааччылар 5 бөлөххө арахсаллар:

1 бөлөх – уһуйаан иитиллээч­чилэрэ;

2 бөлөх – 1-4 кылаастар;

3 бөлөх – 5-11 кылаастар;

4 бөлөх – улахан дьон (18-тан үөһэ саастаахтар).

Ирдэбилэ: уус-ураннык холкутук ааҕыы, дьоҥҥо-сэргэҕэ тириэрдии, таҥас-сап, туттуу-хаптыы эмиэ учуоттанар.

Тиэмэлэрэ: төрүт кул­туу­раҕа, сиэргэ-туомҥа сы­һыаннаах ыстатыйалары, уочаркалары уо.д.а. ааҕыы эмиэ көҥүллэнэр.

Бириэмэтэ: ааҕааччы 4 мүн. уһуо суохтаах. Бөлөҕүнэн кыттыы эмиэ биһирэнэр.

Муҥутуур кыайыылаахха “Тыл хоһууна-2022” анал ааты иҥэрэллэр. Кыайыылааҕы таһынан бастыҥ ааҕааччылар эмиэ чиэстэниэхтэрэ.

Сайаапканы хомуйуу: бэс ыйын 22 күнүгэр диэри туталлар. Билсэр төл.: 89841027005 (бассааптаах). Эл. почта: Этот адрес электронной почты защищён от спам-ботов. У вас должен быть включен JavaScript для просмотра.

“Хомус – дьиэ кэргэн биһигэ”

Буолар күнэ-дьыла: бэс ыйын 25 күнэ, 16.00 ч.

Буолар сирэ: Үс Хатыҥ, “Тойук тоҕойо, Кымыс кырдала” 7-с №-дээх түһүлгэ.

Ирдэбилэ: дьиэ кэргэн кыттар. Икки көлүөнэ (холобур, оҕо аҕатынаан эбэтэр эбэтинээн) баар буолуохтаах. Ахсааҥҥа хааччах суох.

Түһүмэхтэрэ: сахалыы таҥастаах тахсан бэйэни би­лиһиннэрии (3 мүн.); хому­һу тардыы (атын муусука үстү­рүмүөннэринэн доҕуһуол­луох­тарын сөп, 5 мүн.)

Сайаапканы хомуйуу: бэс ыйын 20 күнүгэр диэри туталлар. Сайаапканы “Дьиэ кэргэн күрэҕэр” диэн бэлиэтээн Этот адрес электронной почты защищён от спам-ботов. У вас должен быть включен JavaScript для просмотра. эл. почтаҕа ыытаҕыт. Билсэр төл.: 8(4112) 42-86-75.

Айан, аһылык, олоруу төлө­бүрүн кыттааччылар бэйэлэрэ уйуналлар.

“Саха талба-мааны таҥаһа”

Буолар күнэ-дьыла, сирэ: 1 түһүмэх (хаартысканан сүү­мэр­дээһин) – бэс ыйын 1-23 күннэригэр кэтэхтэн ыытыллар. 2 түһүмэх (түмүктүүр) – бэс ыйын 25 күнүгэр 14.00 чаастан Үс Хатыҥҥа 3-с №-дээх “Тунах түһүлгэҕэ” ыытыллар.

Кимнээх кытталларый? Самодеятельнай уонна норуот маастардара, дизайнер-модельердар, биирдиилээн иистэнньэҥнэр, “любитель-модельердар” (18-тан үөһэ саастаахтар), түмсүүлэр, муниципальнай тэриллиилэр, уокуруктар, СӨ улуустара, куораттара.

Кыттааччылары наардаа­һын:

– Туймаада уонна Олоҥхо ыһыахтарын күрэхтэригэр муҥутуур кыайыылаахтар.

– “СӨ норуот маастара”, “НХП маастара” сыбаанньалаахтар;

– самодеятельнай маас­тардар.

Кыттааччылар бу көрүҥ­нэргэ талан кытталлар: ыһыах­ха кэтиллэр таҥас, кы­һыҥ­ҥы традиционнай таҥас, аныгы истииллээх таҥас (сыана, үҥкүү, күннээҕигэ кэтиллэр уо.д.а. таҥас-сап).

Сыанабыл киритиэрийэ: үгэс буолбут тигии ньыматын тутуһуу, өҥү-дьүһүнү дьүөрэ­лээ­һин, көмүс киэргэли, аксессуардары сөпкө туһаныы. Таҥас хайаан даҕаны кэмпилиэк буолуохтаах.

Дьүүллүүр сүбэ 10-нуу баалынан сыаналыыр.

Сайаапканы хомуйуу: бэс ыйын 1-23 күннэригэр ту­тал­лар. Электр. почта: Этот адрес электронной почты защищён от спам-ботов. У вас должен быть включен JavaScript для просмотра.. Билсэр төл.: 89644180776.

Түмүгү таһаарыы: бэс ыйын 25 күнүгэр, “Кымыс кырдала” 20-с №-дээх былаһаакка.

“Төрүт дорҕоон”

Буолар күнэ-дьыла: бэс ыйын 25 күнэ, 19.00 чаастан.

Буолар сирэ: Үс Хатыҥ, “Тойук тоҕойо, Кымыс кырдала” 7-с №-дээх түһүлгэ.

Ирдэбилэ: күрэххэ ким баҕалаах кыттар. Биирдиилээн эбэтэр бөлөҕүнэн кыттыахха сөп. Кыттааччылар бэйэлэрин илиилэринэн оҥорбут уонна норуот үстүрүмүөннэригэр оонньоон иһитиннэрэллэр.

Көрүҥэ:

– охсон оонньонор үстүрү­мүөннэр: дүҥүр, күпсүүр, табык;

– тыастаах үстүрүмүөннэр: дьаҕа, хоболоох дьаҕа, дүҥүр;

– тыллаах үстүрүмүөннэр: мас хомус, тимир хомус.

Күрэххэ кытталлар:

1 бөлөх – оскуола үөрэнээч­чилэрэ;               

2 бөлөх – 18-35 диэри саастаахтар;

3 бөлөх – 36 үөһэ саастаахтар.

Сыанабыл киритиэрийэ: саха төрүт үстүрүмүөнүн төһө баһылаабыта, саха үстүрүмүө­нүгэр доҕуһуоллатан сатабыллаахтык толоруута.

Сайаапканы хомуйуу: бэс ыйын 22 күнүгэр диэри туталлар. Эл. почта: Этот адрес электронной почты защищён от спам-ботов. У вас должен быть включен JavaScript для просмотра.. Билсэр төл.: 89627379618, 89142516422 (бас­сааптаах).

“Кымыс – Айыы аһа”

Буолар күнэ-дьыла: бэс ыйын 25 күнэ, 14.00 ч. Кыттааччылар парааттаан киирэллэр.

Буолар сирэ: Үс Хатыҥ, “Кымыс кырдала” түһүлгэ 20-с №-дээх былаһаакка.

Ирдэбилэ: кыттааччылар 5 л итэҕэһэ суох бородууксуйаны таас эбэтэр былаастык иһиккэ кутан аҕалыахтаахтар. Кымыс лабаратыарыйа анал чинчийиитин ааспыт буолара ирдэнэр (“О безопасности молока и молочной продукции” ТР–ТС 033/2013). Хаһаайыстыбалар күрэххэ кыттар сирдэрин киэргэтэллэр, бэйэлэрин билиһиннэрэллэр, кымыһы астыырга маастар-кылаас ыыталлар. Бары сахалыы таҥастаах, атрибутикалаах, иһиттээх буолуохтаахтар. Баҕалаахтар хаартыска быыстапкатын бэлэмнээн кэлиэхтэрин сөп.

Бириис уопсай пуондата: 500 000 солк.

Сайаапканы хомуйуу: бэс ыйын 23 күнүгэр диэри туталлар. Аадырыстара: Дьокуускай, Автодорожнай уул. 23-һэ, 113 кэб. Эл. почта: Этот адрес электронной почты защищён от спам-ботов. У вас должен быть включен JavaScript для просмотра..

Айаннарын төлөбүрүн, хомондьуруопкаларын ороскуотун кыттааччылар бэйэлэрэ төлүүллэр.

“Саха тимирэ: сөргүтүү

Буолар күнэ-дьыла: бэс ыйын 25-26 күннэрэ.

Буолар сирэ: Үс Хатыҥ, “Кудай Бахсы” түһүлгэтэ 17-с №-дээх былаһаакка.

Күрэх көрүҥнэрэ (анал ааттара):

1. “Бастыҥ болгуо быһах”.

2. “Бастыҥ болгуо батыйа”.

3. “Чулуу болгуо батыйа”.

4. “Утум уустар”.

Бу көрүҥнэр хас биирдиилэрэ тус-туспа ирдэбиллээхтэр. Ирдэбилгэ эппиэттиир быһахтар күрэххэ кытталлара көҥүллэр. Ол туһунан сиһилии 89640774555 нүөмэргэ эрийэн билсиэххитин сөп. Эл. почта: Этот адрес электронной почты защищён от спам-ботов. У вас должен быть включен JavaScript для просмотра..

Сайаапканы хомуйуу: бэс ыйын 24 күнүгэр диэри туттарыаххытын сөп.

“Дьахтар. Ийэ. Кэлэр көлүөнэ эрэлэ”

Буолар күнэ-дьыла: бэс ыйын 25-26 күннэрэ.

Буолар сирэ: Үс Хатыҥ, “Дьүкээбил түһүлгэтэ” 18 №-дээх былаһаакка.

Сыала: Саха сирин норуоттарын духуобунай култуураларын харыстааһын, төрүт олохтоох хотугу норуоттар култуурунай нэһилиэстибэлэрин бырапагаандалааһын, маастардар маастарыстыбаларын чочуйуу, сайыннарыы уо.д.а. сөргүтүү.

Усулуобуйата: ким баҕа­лаах (общиналартан, уопсастыбаннай түмсүүлэртэн) кыттыан сөп. Кыттааччылар бэйэлэрин билиһиннэрэллэр, национальнай куукунаҕа, таҥаска-сапка уо.д.а. күрэхтэһэллэр. Күрэх түмүгүнэн “Искусная мастерица”, “Хранители традиций”, “Зрительская симпатия”, “Открытие года”, “Золотые руки”, “Щедрая хозяйка” анал ааттары иҥэрэллэр. Кыайыылаахтар сыаналаах бириистэринэн наҕараадаланаллар.

Сайаапканы хомуйуу: ыам ыйын 30 күнүттэн тутан саҕалаабыттара. Бэс ыйын 25 күнүгэр диэри биэриэххитин сөп. Эл. почта: Этот адрес электронной почты защищён от спам-ботов. У вас должен быть включен JavaScript для просмотра.. Билсэр төл.: 89841101236.

Өбүгэ нэһилиэстибэтин сөргүтүү

Буолар күнэ-дьыла: бэс ыйын 25-26 күннэрэ.

Буолар сирэ: Үс Хатыҥ, “Дьүкээбил түһүлгэтэ” 18-с №-дээх былаһаакка.

Ирдэбилэ: эргиир үҥкүүгэ күрэх. Биирдиилээн дьон да, айар кэлэктииптэр да кыттыахтарын сөп. Оҕолор кытталлара биһирэнэр. Дьүүллүүр сүбэни Хотугу төрүт олохтоох норуоттар ассоциациялара талар. Үҥкүү тылын үгэһин тутуһууну, тиэкис ис хоһоонун, толоруу хаачыстыбатын уо.д.а көрөр.

Сайаапканы хомуйуу: ыам ыйын 30 күнүттэн тутан саҕалаабыттара. Сайаапканы тутууга бүтэһик күн – бэс ыйын 25 күнэ. Эл. почта: Этот адрес электронной почты защищён от спам-ботов. У вас должен быть включен JavaScript для просмотра.. Билсэр төл.: 89841101236.

* * *

Туймаада ыһыаҕар бу курдук төрүт үгэһи сайыннарар, сөргүтэр сыаллаах-соруктаах уопсайа 22 күрэх ыытыллаары турар. Сайаапканы толоро илик дьон, түгэни мүччү туппакка, ыыта охсуҥ. Онтон кыттаары ох курдук оҥосто, кустук курдук куоһана сылдьар талба талааннаахтарга, уран маастардарга ситиһиини баҕарабыт.

Атын күрэхтэр балаһыан­ньаларын сиһилии Дьокуускай куорат дьаһалтатын култуураҕа уонна духуобунай сайдыыга салалтатын www.cultura14.ru саайтыгар билсиэххитин сөп.

Дьокуускай куорат дьаһалтатын пресс-сулууспатын матырыйаалынан.

Тарҕат:

Санааҕын суруй

Бүтэһик сонуннар