Арассыыйа норуоттарын култуурунай нэһилиэстибэлэрин Сылларын уонна Саха АССР төрүттэммитэ 100 сылын чэрчитинэн, өрө далааһыннаахтык хаһаак омук ырыа уонна үҥкүү кэллэктииптэрин дьоро түһүлгэлэрэ, үрүҥ түүннэрэ буолан ааста.
Бэс ыйын 17 күнүн хойукку киэһэтигэр, К. Маркс аатынан искибиэргэ, Өксөкүлээх Өлөксөй аатынан норуоттар доҕордоһууларын дьиэтин айар кэллэктииптэрэ хаһаактар ырыаларын уонна үҥкүүлэрин көрдөрдүлэр.
Норуот таптыыр норуодунай кэллэктииптэрэ - «Вольница» хаһаак омук ырыатын ансаамбыла, «Русь» ырыа ансаамбыла, «Ярилов день» нуучча үҥкүүтүн кэллэктиибэ, «Сюрприз» Саха сирин эстраднай үҥкүүтүн ансаамбыла, «Раздолье» нуучча норуотун ырыатын ансаамбыла, «Раздолинки» оҕо ырыатын триота көрөөччүлэр сүргэлэрин көтөхтүлэр, дьону үөрдэр астык кэнсиэри көрдөрдүлэр.
Өксөкүлээх Өлөксөй аатынан норуоттар доҕордоһууларын дьиэтин пресс-сулууспата
