Киир

Киир

Үөһээ Бүлүүгэ ыытыллыбыт Олоҥхо ыһыаҕар IV Норуоттар икки ардыларынааҕы ЮНЕСКО шедеврдарын бэстибээлин үөрүүлээх аһыллыыта буолла. Арассыыйа эрэгийиэннэриттэн уонна атын дойдулартан үгэстэрин харыстаан илдьэ сылдьааччы дьон норуоттарын култуурунай нэһилиэстибэлэрин көрдөрдүлэр.

«Саха сиригэр номнуо 4-с төгүлүн биһиги бу бэстибээли көрөбүт. Манна ускуустуба нөҥүө бэйэлэрин норуоттарын дириҥ философиятын арыйар дьону көрөбүт. Саха омук аатыттан Олоҥхо дойдутугар үөрэ-көтө көрсөбүт», - диэн Саха сирин судаарыстыбаннай сүбэһитэ Андрей Борисов этэр. Кини 2005 сыллаахха ЮНЕСКО олоҥхону киһи-аймах тылынан уонна өйүнэн айбыт култуурунай нэһилиэстибэлэрин чулуу айымньыларын испииһэгэр киирбитин туһунан санатта.

шедеврд армян

Быйылгы бэстибээлгэ бэйэлэрин норуоттарын ураты култуураларын көрдөрө диэн Азербайджан, Армения, Кыргызстан, Монголия, Индия судаарыстыбаларыттан уонна Арассыыйа Алтай, Бурятия, Калмыкия, Тыва өрөспүүбүлүкэлэриттэн кэлбиттэр. Көрөөччүлэр мохинниаттам индийскэй классическай үҥкүүнү, кочари эрмээн омук үҥкүүтүн, Куттиятам барабааҥҥа оонньуур оркестр нүөмэрин, семейскэй ырыалары, хоомей тувин омук хабарҕа ырыатын, уртын дуу ураты ырыаны уонна даҕаны атын култуурунай нэһилиэстибэ толорууларын, маны сэргэ, саха олоҥхотун иһиттилэр уонна төрдүлэр.

Санатар буоллахха, ЮНЕСКО шедеврдарын бэстибээлэ Саха сиригэр 4-с төгүлүн ыытыллар. Бу сылга бэстибээл Саха АССР төрүттэммитэ 100 сылыгар уонна Арассыыйа норуоттарын култуурунай нэһилиэстибэлэрин Сылларыгар ананна. Бэс ыйын 21 күнүттэн 26-р диэри Үөһээ Бүлүүгэ, онтон Дьокуускайга ааптарыскай лиэксийэлэр, маастар-кылаастар, айымньылаах көрсүһүүлэр уонна лабаратыарыйалар ыытыллыахтара.

Бэстибээл сабыллыыта Судаарыстыбаннай опера уонна балет тыйаатырыгар буолар.

шдеврдэр

 

Тарҕат:

Санааҕын суруй