Киир

Киир

Балаҕан ыйын 5 күнүгэр, М. Горькай аатынан Приморскайдааҕы драматическай тыйаатыр сыанатыгар «Хотугу дьүкээбил» (Северное сияние) диэн Саха сирин ускуустубаҕа маастардара гала-кэнсиэр көрдөрдүлэр. Тэрээһин Илиҥҥи экономическай форум уонна Уһук Илиҥҥэ Саха сирин күннэрин чэрчитинэн буолан ааста.

Саха сириттэн Арассыыйа Федерациятын Федеральнай мунньаҕын Федерациятын Сүбэтин сенатора Александр Акимов эҕэрдэ тылыгар норуоттар сомоҕолоһуулара улахан суолталааҕын туһунан эттэ. СӨ Тас сибээскэ уонна норуоттар дьыалаларыгар миниистирэ Гаврил Кириллин Приморье олохтоохторугар Саха култууратыгар истиҥ интэриэстэрин иһин махтанна уонна Саха АССР төрүттэммитэ 100 сылынан эҕэрдэлээтэ.

Кэнсиэр бырагырааматыгар Саха сирин култууратын араас палитрата көстөр. Д.К. Сивцев-Суорун Омоллоон аатынан Опера уонна балет тыйаатырын, маны сэргэ, Фабио Мастранджело салайааччылаах Symphonica ARTica Саха сирин филармониятын Судаарыстыбаннай симфоническай аркыастырын солистара классическай муусука шедеврдарын толордулар.

Саха төрүт колоритын Олоҥхо тыйаатырын артыыстара көрдөрдүлэр, кинилэр тойуктаан, саха норуотун ырыатын ыллаан иһитиннэрдилэр уонна саха былыргы музыкальнай инструменнарыгар – хомуска, кырыымпаҕа уонна ох сааҕа оонньоотулар. Маны таһынан, Саха сирин Төрүт хотугу аҕыйах ахсааннаах омуктарын Судаарыстыбаннай тыйаатырдарын «Гулун» ансаамбылын артыыстара кытыннылар.

«БалАнс» ансаамбыл балалаечниктара балалаайкаҕа, оттон Олоҥхо Тыйаатырын артыыстара хомуска тэҥинэн оонньооннор, түөрт сүүс сыл устатын тухары бииргэ эйэлээхтик олорбут саха уонна нуучча омук доҕордоһуутун, сомоҕолоһуутун бэлиэтинэн буоллуллар.

66f7981f2c8317dd5cecd1fc16d65c1c7dc0bb65

Симфоническай аркыастыр доҕуһуолугар Саха Өрөспүүбүлүкэтин үтүөлээх артыыһа Дмитрий Швецов балалайкаҕа «Гляжу в озере синие» музыкальнай айымньыны оонньоон, көрөөччүлэр Арассыыйаҕа тапталлаах дириҥ иэйиилэрин уһугуннарда.

Оттон Саха сирин Филармониятын Симфоническай хорун артыыһа Дмитрий Никифоров-Келлер Муслим Магомаев «Синяя вечность» ырыатын толоруута саалаҕа олорооччуларга соһуччу үөрүүнэн буолла.

Гала-кэнсиэри дьон-сэргэ олус сэргээтэ, артыыстары өрө көтөҕүллүүлээх ытыс тыаһынан уонна «Браво» овация тылларынан атаардылар.

Уһук Илиҥҥэ Саха Өрөспүүбүлүкэтин бастайааннай бэрэстэбиитэлистибэтин пресс-сулууспата
Хаартыскаҕа түһэрээччи - Ион Иванов 
Тарҕат:

Сэҥээриилэр

Robertsuino
0 Robertsuino 09.09.2022 01:06
https://colab.research.google.com/drive/1hf59hs49HD-4Hj5zq8JF0j4gf-hlz94E
Ответить

Санааҕын суруй

Бүтэһик сонуннар