Саха сирин суһал ыстаабын киинэ иһитиннэрэринэн, балаҕан ыйын 15 күнүнээҕи туругунан, өрөспүүбүлүкэбитигэр 562 киһи СOVID-19 ыарыйда, оттон 282 киһи үтүөрдэ.
Ордук элбэх киһи Дьокуускайга ыалдьыбыт – 313 киһи.
Оройуоннарга:
- Мэҥэ-Хаҥаласка - 33,
- Хаҥаласка – 31,
- Мииринэйгэ - 25,
- Бүлүүгэ – 21,
- Алдаҥҥа – 18,
- Үөһээ Бүлүүгэ – 16,
- Нам уонна Таатта оройуоннарыгар – 13-түү,
- Сунтаарга – 12,
- Нерюнгрига уонна Уус Майда оройуоннарыгар – 11-дии,
- Томпоҕо уонна Ленскэйгэ – 10-нуу.
Маны таһынан, өссө 7 улууска бииртэн аҕыска диэри ыалдьыбыт киһи баара билиннэ. Саха сирин олохтоохторугар быһыыны хаттаан ылыы болдьоҕо кэлбит буоллаҕына, тутатына ыла охсоллорун туһунан санаталлар.
Суукка иһигэр өрөспүүбүлүкэ лабаратыарыйаларыгар 3747 саҥа хоруона вируһун булууга чинчийии оҥоһуллубут. Оттон хамсык саҕаланыаҕыттан барыта холбоон 2 546 288 тиэст чинчийиллибит.
