Киир

Киир

Балаҕан ыйын 21 күнүгэр биллэриллибит быстах байыаннай хомуурга аармыйаҕа сулууспаабыт уонна буола турар байыаннай эпэрээссийэҕэ сөптөөх идэлээх уонна уопуттаах эрэ дьону ыҥыраллар. Бэбиэскэлэри туттарыы ити күнтэн саҕаланна. 31 №-дээх «О воинской обязанности и военной службе» федеральнай сокуонунан, бэбиэскэни резервэҕэ сылдьааччыга  бэйэтигэр туттарыахтаахтар.

Хомуурга барааччы бэбиэскэҕэ ыйыллыбыт кэмҥэ чопчу тиийиэхтээх. Онно кини пааспарын, байыаннай билиэтин, учуоттаммыт-сулууспалаабыт карточкатын, бэбиэскэтин, тимир көлөнү, тиэхиньикэни ыытар бырааптааҕын туоһулуур дастабырыанньатын, аска-үөлгэ сыһыаннаах үлэһит буоллаҕына, саньытаарынай киниискэтин илдьэ тиийиэхтээх. Маны кытта биир күннээх аһылыгын, суунар-тараанар тээбиринин ылара ордук.

Бэбиэскэни туппут киһи бэйэтэ эбэтэр чугас аймаҕа улаханнык ыалдьыбыт эбэтэр өлбүт, туох эмэ киниттэн тутулуга суох ыксаллаах быһыы-майгы тахсыбыт түгэнигэр эрэ военкомакка кэмигэр тиийбэт улахан төрүөттээҕэ аахсыллар. Кини ол туһунан военкомакка биллэрэрэ уонна, кыаллар буолла даҕаны, тиийэрэ булгуччулаах. Байыаннай хомууртан уонна сулууспаттан куотуу иһин холуобунай дьыала тэрийэн, 10 сылга диэри хаайыыга ыытыахтарын сөп.  

Тарҕат:

Санааҕын суруй

Бүтэһик сонуннар