Киир

Киир

Ил Түмэн дьокутааттара уонна Саха сирин саллааттарын ийэлэрин кэмитиэтэ байыаннай хомуурга сыыһа ыҥырыллыбыт дьону төнүннэриигэ үлэлээн саҕалаатылар. Дьокуускайга онно анаан Этот адрес электронной почты защищён от спам-ботов. У вас должен быть включен JavaScript для просмотра. электроннай почта уонна Штаб тэрилиннэ. Үлэ хайдах баран иһэрин Ил Түмэн Хотугу аҕыйах ахсааннаах төрүт олохтоохторун уонна Арктика дьыалаларыгар кэмитиэтин бэрэссэдээтэлэ, дьокутаат Елена ГОЛОМАРЕВА сырдатта:

- Бэҕэһээ дьокутааттар хамыһыыйалара мунньахтааммыт, Бырабыыталыстыба хомууру ыытар хамыыһыйатын кытта хайдах үлэлиирбитин былааннаатыбыт, СӨ саллааттарын ийэлэрин кэмитиэтин кытта  ыҥырыллыбыт дьон эрэйиэстирдэрин оҥордубут.

Бүгүн Өрөспүүбүлүкэтээҕи хомуур пуунун саҥа дьиэтигэр (Кангаласс бөһ., Ленин уул, 14) тиийэн мэдисиинискэй хамыыһыйа ыытыллыбатын көрдүбүт. Туһааннаах хамыыһыйа Хабаровскайга уонна Владивостокка эрэ үлэлиир. Онон, СӨ Байыаннай комиссариатын салалтатыттан уонна Ил Дархантан хамыыһыйаны үрдүгэр тэрийиини туруорсуохтаахпыт.

Ону таһынан, хомуурга ыҥырыллааччылар социальнай араҥаларын  уонна доруобуйаларын туоһулуур докумуоннары хомуһан илдьэ кэлэллэрин, дьаһалталар уонна мэдисиинэ тэрилтэлэрэ хомуурга барааччыларга ирдэнэр докумуону тута бэлэмнээн биэрэллэрин тэрийиини ситиһиэхтээхпит. Үгүс киһи доруобуйатынан байыаннай сулууспаҕа сөп түбэспэт эрээри, докумуона суох эбэтэр өр кэмҥэ көрдөрүммэккэ хаалбыт буолар.  

Тарҕат:

Санааҕын суруй