СӨ Уопсастыбаннай палаататын көҕүлээһининэн, быстах байыаннай хомуур кэмигэр дьоҥҥо көмөлөһөр соруктаах Сүрүннүүр киин тэрилиннэ.
Бырабыыталыстыба уонна Ил Дархан пресс-сулууспатын иһитиннэриитинэн, бу Киин улуус уонна оройуон түмсүүлэрин кытта хомуурга ыҥырыллыбыт дьону наардааһыҥҥа, сыыһа барбыттары төнүннэриигэ үлэлиэҕэ. Манна кэлбит сайабылыанньары СӨ Байыаннай комиссариатыгар уонна Саха сирин гарнизонун Байыаннай борокуратууратыгар ыытыахтара.
Ону таһынан, 8 (4112) 507-363 нүөмэринэн юристар босхо консультация биэриэхтэрэ уонна сайабылыанньа суруйуутугар көмөлөһүөхтэрэ. Үлэ күнүгэр психолог дьону кытта 8 (4112) 31-91-09 нүөмэринэн үлэлиэ.
Сүрүннүүр киин аадырыһа: Курашова уул. 24 №-дээх дьиэтэ, 4-с этээс, 401 кэб. Электроннай почталара: Этот адрес электронной почты защищён от спам-ботов. У вас должен быть включен JavaScript для просмотра..
