Киир

Киир

Ытыктабыллаах бар дьоммут! Эрэллээх ааҕааччыларбыт! Алтынньы 3-13 күннэригэр “Арассыыйа почтатын” Саха сиринээҕи салааларыгар барытыгар 2023 сыл бастакы аҥаарыгар чэпчэтиилээх сурутуу саҕаланарын туһунан иһитиннэрэбит. Ону тэҥэ, бу кэмҥэ эһиги “Кыым” хаһыаты, “Байдам”, “Күрүлгэн” сурунааллары дьиэттэн тахсыбакка олорон, төлөпүөнүнэн 8 (968)150-67-15 нүөмэргэ эрийэн эбэтэр QR-куоду туһанан, сурутар кыахтааххытын санатабыт.

Ааспыт сурутуу
түмүгүнэн – сүүйүүлээх
оонньотуу
 

Бу сайыҥҥы, ол эбэтэр 2022 сыл иккис аҥаарыгар, “Үһү – биирдэ” суруппут дьон сүүйүүлээх оонньууга кытталларын туһунан урут суруйан, этэн турабыт. Санаттахха, ол “Үһү – биирдэ” сурутууга “Кыым” хаһыат уонна “Байдам”, “Күрүлгэн” сурунааллар киирбиттэрэ. Билигин биллэринэн, Сахабыт сирин барытын үрдүнэн “Үһү – биирдэ” 600-тэн арыый тахса киһи суруппут эбит.

Алтынньы 4 күнүгэр бу суруппут дьон ортотугар бирииһи оонньотуу ыытыллыаҕа. Эрдэ сэрэтиллибитин курдук, сүрүн бириис – ТОҤОРОР ЛАРЬ! Онно кимнээх кыайбыттарын туһунан “Кыым” хаһыат кэлэр нүөмэрдэриттэн билиэххит!

2023 сыл
бастакы аҥаарыгар
сурутуу!
 

2022 сыл бастакы аҥаарыгар “Кыым” хаһыаты суруппут дьон бука бары “Күннээҕи сиэр-туом, алгыстар” диэн дьоҕус киниискэни туппут буолуохтааххыт. Туох эрэ төрүөтүнэн ону туппакка хаалбыт дуу, умнубут дуу дьоҥҥо санаттахха, ол кыракый хомуурунньукка олох араас түгэннэригэр туттуллар күннээҕи сиэр-туом, алгыстар түмүллэн киирбиттэрэ.

Бу күннэргэ “Кыым” хаһыакка 2023 сыл бастакы аҥаарыгар суруппут дьоҥҥо бу киниискэ салгыыта тиийиэҕэ. Ааспыттааҕар быдан дириҥ ис хоһоонноох, чопчу ыйыылаах-кэрдиилээх, ааттаах-суоллаах уонна күннээҕи олоххо быһаччы дьайыылаах буолуо диэн бүк эрэнэбит. Ону илиигитигэр ыллаххытына, бэйэҕит да көрөн итэҕэйиэххит.

Куар куодунан (QR)
сурутааччылар болҕомтолоругар!
 

Ааспыт сурутуу хампаанньатыгар QR-кодунан суруппут сорох дьон олорор сирдэрин, аадырыстарын, ааттарын-суолларын олус көтүмэхтик уонна алҕастаахтык толорбуттар этэ. Ол түмүгэр кэккэ бутуур, булкуллуу тахса сылдьыбыта.

Онон сибээстээн, хаһыат туох да эрэйэ-моһоло суох тиийэрин туһугар, аадырыскытын-ааккытын чуолкайдык көстөр-биллэр гына кичэллээхтик суруйаргытыгар ыҥырабыт.

 

Тарҕат:

Сэҥээриилэр

Бубякина Агафья Афа
0 Бубякина Агафья Афа 13.10.2022 08:24
Кыым хаһыат
Ответить

Санааҕын суруй