Сэлиэнньэ хочуолунайдара баһаар өттүнэн кутталы үөскэтэр туруктаммыттарынан, “СӨ ОДьКХ” тэрилтэ салалтата 2023 сылга саҥа хочуолунайы тутуу бырайыактыыр-чинчийэр үлэтигэр үбүлээһини бигэргэппит. Бу хочуолунайга оскуоланы, балыыһаны, дьаһалтаны, гараһы сэргэ чааһынай дьиэлэр эмиэ холбонуохтара. Саҥа хочуолунай кыамтата 3,48 МВт буолуохтаах.
Ол туһунан мунньахха улуус баһылыгын бастакы солбуйааччыта Андрей Варламов, 5-с Малдьаҕар нэһилиэгин баһылыга Николай Осипов, СӨ ОДьКХ Хаҥаластааҕы салаатын сүрүн исписэлииһэ Семен Пахомов, тэрилтэ исписэлиистэрэ уонна сэлиэнньэ олохтоохторо кытыннылар диэн улуус дьаһалтатын пресс-киинэ иһитиннэрэр.