Алтынньы 17 күнүттэн «Сахафильм» киинэ хампаанньата, тэриллибитэ 30 сылынан уонна Саха АССР төрүттэммитэ 100 сылынан, нэдиэлэ ахсын ыытыллар «Кино для всех» аахсыйаны биллэрэр. Ол чэрчитинэн, саха киинэлэрин нэдиэлэ бастакы, иккис, үһүс күннэригэр күнүс 12:00 чаастан босхо көрдөрүөхтэрэ. Аахсыйа сыл бүтүөр диэри салҕанан барыаҕа.
- «Сахафильм» үлэһиттэрэ көрдөрүү афишатын дьон баҕа санаатын учуоттаан оҥордулар. Аахсыйа Далан «Дьикти сааһыттан» саҕаланар. Салгыы «Снайпер саха» уонна «Журавли над Ильменем» тахсыахтара. Онтон Москубатааҕы норуоттар икки ардыларынааҕы киинэ бэстибээлигэр үрдүк ситиһиилэммит «Надо мною солнце не садится» уонна «Тойон кыыл» киинэлэри көрдөрүөхтэрэ, - диэн СӨ култуура уонна духуобунай сайдыы миниистирин бастакы солбуйааччыта Владислав Левочкин сырдатта.
Киинэ саалатын аадырыһа: Ленин пр., 45. Касса төл.: 8 (914) 266 84 42
