Бүгүн Ил Дархан Айсен Николаев Москуба уобалаһын байыаннай госпиталыгар Саха сириттэн анал байыаннай дьайыыларга баҕа өттүнэн барбыт «Боотур» этэрээт бааһыран сытар байыастарын көрүстэ. Кини биир дойдулаахтарын эмтэнэр усулуобуйаларын үрдүктүк сыаналаата уонна быраастарга махтанна.
«Биһиги хамандыырбыт олус үчүгэй, бойобуой уопута улахан. Этэрээппит үчүгэй медиктээх. Ыарахан киирсиилэр буолан аастылар. Утарсааччы өттүгэр тас дойду байыаннай тиэхиньикэтинэн сэбилэммит 50 араас дойду наймыламмыт дьоно сэриилэһэллэр, – диэн саллааттар Айсен Сергеевичкэ кэпсээтилэр. Кинилэр хомуурга барааччылары тугунан хааччыйар, хайдах бэлэмниир уонна бойобуой уопуттарын учуоттаан сөпкө араарар туһунан кэккэ этиилэри киллэрдилэр.
Ил Дархан бааһырбыт байыастар санааларын уонна көрдөһүүлэрин болҕойон иһиттэ, дьоруойдуу быһыыларын иһин махтанна уонна Саха сириттэн илдьэ тиийбит төрүт аһынан күндүлээтэ. «Эмтэнии уонна чөл турукка эргиллии кыһалҕатын барытын быһаарыахпыт, дьиэ кэргэттэргитигэр өйөбүл баар буолуо. Кытаатан түргэнник үтүөрүҥ», - диэн кини барыларыгар эрэннэрдэ.
Сонун төрдө: CӨ Бырабыыталыстыбатын уонна Ил Дарханын пресс-сулууспата
