Киир

Киир

Артыыстар бастакы айар бөлөхтөрө бүгүн, алтынньы 19 күнүгэр, биир дойдулаахтарын көрсө Приморьеҕа көттө. Тоҕус киһилээх дэлэгээссийэни СӨ Тыйаатырдарын диэйэтэллэрин сойууһун бэрэссэдээтэлэ, Саха тыйаатырын артыыһа Айаал Аммосов салайар. Манна Эстрада, Үҥкүү, Олоҥхо тыйаатырдарын, Филармония артыыстара киирдилэр. "Симэх" киин уонна Бүлүү улууһун маастардара бэйэлэрэ оҥорбут сахалыы харысхалларын  ыыттылар.

WhatsApp Image 2022 10 19 at 07.47.17

Култуура уонна духуобунай сайдыы миниистирэ Юрий Куприянов: - Култуура үлэһиттэрэ, Аҕа дойду сэриитин кэмигэр курдук, биир дойдулаахтарын өйүүр, санааларын көтөҕөр мииссийэлээх бардылар. Ол курдук, икки айар бөлөх тэрилиннэ. Кинилэр байыаннай чаастарга тиийэн биир дойдулаахтарбытыга кэнсиэр көрдөрүөхтэрэ, норуот маастардара тикпит харысхалларын, хомуллубут көмөнү тиэрдиэхтэрэ, - диэн айан соругун чиҥэтэн биэрдэ.  

Сонун төрдө: CӨ Култуура уонна духуобунай сайдыы министиэристибэтин пресс-киинэ.