Холуобунай-толорор иниспиэксийэ Дьокуускайдааҕы нэһилиэнньэ дьарыктаах буолуутун киинин кытта, «Үлэ – саҥа олоххо суол» бырайыак чэрчитинэн, хаайыллыбакка эрэ сууттаммыт уонна хаайыыттан болдьоҕун иннинэ тахсыбыт дьоҥҥо үлэ дьаарбаҥкатын тэрийэн ыыттылар.
Киин бэрэстэбиитэллэрэ «Дьокуускайдааҕы үүт собуота» ХЭТ, «Промстройматериалы» ХЭТ, «Альянс-2005» ХЭТ, «Росбланкиздат» АУо, «Хатастааҕы сибиинньэ комплекса» ХЭТ уонна онтон да атын тэрилтэлэри кытта баҕалаах дьоҥҥо үлэ миэстэлэрин булан биэрдилэр. Бу 35-тэн 80 тыһ. солкуобайга диэри хамнастаах слесарь, электромонтер, каменщик, фасадчик, стропальщик, автокран машиниһа, разнорабочай үлэлэрэ.
Маны таһынан, үлэ көрдөөччүлэр өрөспүүбүлүкэтээҕи бүддьүөт суотугар эбии идэ уонна психолог көмөтүн ылар кыахтаахтарын биллилэр. Сууттаммыт дьону үлэнэн хааччыйыы быраабы кэһиини уонна буруйу хаттаан оҥорууну сэрэтэр сүрүн ньыма буолар.
Сонун төрдө: РФ Буруй миэрэтин толорор сулууспатын Саха сиринээҕи салаатын пресс-сулууспата
