Киир

Киир

ЗАГС Саха сиринээҕи управлениетын салайааччыта Тамара Кривошапкина сокуонунан кэргэннии буолуу элбээбитин бэлиэтиир. Үксүгэр олорбуттара ырааппыт, уопсай оҕолоох дьонтон элбэх сайабылыанньа киирэр эбит. Балаҕан ыйын 21 күнүттэн бэттэх Саха сиригэр барыта 421, онтон 195 Дьокуускайга сокуонунан кэргэннии буолууну бигэргэппиттэр.  

Маны таһынан, инники төрөппүт оҕолорун билиммэккэ сылдьыбыт аҕалар уонна оҕолоох дьахтары кэргэн ылбыт эр дьон оҕону бэйэлэрин ааттарыгар суруйтарыылара элбээбит. Биллэн турар, байыаннай дьайыыларга барааччылар дьиэ кэргэттэригэр, оҕолоругар туһуланар бары көмөнү, өйөбүлү ылар туһугар сөпкө дьаһаналлар.   

Тамара Кривошапкина этэринэн, өскөтүн кинилэр байаҥкамааттан бэбиэскэлээх буоллахтарына, кэргэнии буолуу тэрээһинин сайабылыанньа бэриллибит күнүгэр ыыталлар. Ол эбэтэр, ЗАГС управлениетын салаалара хонуктаах, ирдэнэр буоллаҕына, хомуур пуунугар тиийэн үлэлииллэр.

Сонун төрдө: yakutiamedia.ru

 

Тарҕат:

Санааҕын суруй

Бүтэһик сонуннар