Күндү бар дьоммут! Эһигини сэтинньи 6 күнүгэр “Сэргэлээх уоттара” култуура киинигэр “Кыым” хаһыат Өрөгөйдөөх Өктөөп күнүгэр анаммыт кэтэһиилээх “Саныаҕыҥ, доҕоттор, ааспыты!” кэнсиэригэр ыҥырабыт!
Хамсыктан хаайтаран олорбут хас да сыл устата киирбит баҕа санаалары учуоттаан, ким да матан хомойботун туһугар, быйыл 2 кэнсиэри оҥоробут. Кэнсиэргэ ааспыт үйэ 70-80-с сылларыгар ылламмыт чулууттан чулуу, бастыҥтан бастыҥ эрэ ырыалары истиэххит. Бырагырааманы култуура-ускуустуба маастардарын кытта сүбэлэһэн оҥордубут. Ырыалары саха эстрадатын чаҕылхай сулустара толоруохтара. “Тэрээһин удамыр сыаналаах эрээри, муҥутуур үрдүк таһымнаах буолуо” диэн ааҕааччыларбытын бүк эрэннэрэбит. Ону бэйэҕит да билэҕит!
Кыттыахтара: А.Д. Макарова аатынан Култуура уонна ускуустуба колледжа, Владимир Татаринов, Владимир Заболоцкай, Сардаана Осипова, Анастасия Готовцева, Варя Аманатова, Анатолий Бурнашев, Дмитрий Иванов, Василий Еремеев, Константин Степанов, Ника, Санита Ай, Байтыкан Батаакап, Юрий Баишев, Иннокентий Огочонов, Майя Сергина, Амгаяна, Сардаана Трофимова, Кыыл Уолун аатынан Үҥкүү Национальнай тыйаатыра, “Кыл Саха” төрүт үстүрүмүөн бөлөҕө уо.д.а.
Билиэттэр “Сэргэлээх уоттара” уонна Өксөкүлээх Өлөксөй аатынан култуура кииннэрин, Былатыан Ойуунускай аатынан Саха тыйаатырын каассаларыгар, “Кыым” хаһыат эрэдээксийэтигэр (Дьокуускай к., Киров уул., В блок, 18 дьиэтэ, 709 хос), Бэчээт дьиэтигэр 111 хоско атыыланаллар (Орджоникидзе уул., 31 дьиэтэ).
Буолар күнэ, кэмэ: сэтинньи 6 күнэ, 16:00 уонна 19:00 чаастан
Буолар аадырыһа: “Сэргэлээх уоттара” култуура киинэ, Дьокуускай к. Белинскэй уул. 58-c дьиэтэ
Билсэр төл.: 34-05-03
