РФ национальнай гвардиятын Илиҥҥи байыаннай уокуругун командующайын солбуйааччыта Сергей Черноиванов Саха сирин аҕа баһылыгар Айсен Николаевка Росгвардия олохтоох уорганын саҥа салайааччытын – полиция полковнига Алексей Гарагуляны билиһиннэрдэ.
Көрсүһүү кыттыылаахтара Росгвардия олохтоох уоргана өрөспүүбүлүкэ толорор уонна сокуону оҥорор былааһын бэрэстэбиитэллэрин уонна быраабы көмүскүүр атын структураларын кытта хайдах үлэлэһэрин кэпсэттилэр.
Ил Дархан өрөспүүбүлүкэҕэ бэрээдэги уонна уопсастыбаҕа куттал суох буолуутун хааччыйар Росгвардия олохтоох уорганын үлэһиттэрэ үрдүк таһымнаахтарын, сулууспалаахтар анал байыаннай дьайыыларга ытык иэстэрин үтүө суобастаахтык толоро сылдьалларын бэлиэтээтэ.
Полковник Черноиванов Росгвардия олохтоох уорганын анал салааларыгар уонна сулууспаларыгар үлэ хайдах бара турарын көрдө, судаарыстыба туруорар соруктарын толорорго үлэһиттэр бэлэмнээхтэр диэн сыаналаата.
Сонун төрдө: CӨ Бырабыыталыстыбатын уонна Ил Дарханын пресс-сулууспата
Хаартыска: Андрей Сорокин, ЯСИА
